દક્ષિણ મેક્સિકોમાં એક વિચિત્ર ઘટના સામે આવી છે. ચૂંટણી દરમિયાન ખરાબ રસ્તાને રિપેર કરવાના આપેલા વચનને પૂરું ન કરતા ઉશ્કેરાયેલા લોકોએ ત્યાંના મેયરને ટ્રક પાછળ બાંધીને ઢસડ્યા હતા. આ કેસમાં 11 લોકોની ઘરપકડ કરાઈ છે. મેયર ઉપર આ બીજો હુમલો હતો. બનાવ પછી ગામમાં સુરક્ષા વધારી દેવાઈ છે.
મેયર પર ખેડૂતો દ્વારા કરાયેલો આ બીજો હુમલો હતો
મેયરને ટ્રક પાછળ બાંધીને ઘસેડ્યા
વીડિયો થયો વાયરલ, કેસમાં 11 લોકોની ધરપકડ
ચિયાપાસ રાજ્યમાં આવેલા ગામમાં સુરક્ષા વધારી દેવામાં આવી છે
#Enterate Circula en redes video en el que pobladores del ejido Santa Rita en el municipio de #LasMargaritas, #Chiapas, suben en una camioneta al alcalde Jorge Luis Escandón Hernández. Los motivos es porque no ha cumplido lo prometido en campaña. pic.twitter.com/Yywx2exGAC
એક સીસીટીવી ફુટેજમાં જોવા મળી રહેલા ટ્રક પાછળ હાથમાં જાડી દોરી (દોરડા) સાથે બાંધીને તેમને સેંતા રીટાના રસ્તાઓ પર ઘસેડાઈ રહ્યા છે. આ રસ્તો લાસ માર્ગારિટાસનો ભાગ છે. નગરપાલિકાના પોલીસ અધિકારી વાહનને રોકવા માટે અને મેયરને બચાવવા ત્યાં પહોંચ્યા હતા. પોલીસ અને મેયરનું અપહરણ કરનારા લોકો વચ્ચે મારામારીમાં ઘણા લોકો ઘાયલ પણ થયા હતા. મેયર કાર્યાલયની બહાર પ્રત્યક્ષદર્શી દ્વારા લેવાયેલા વીડિયોમાં જોવા મળી રહેલા પુરુષોની એક ગેન્ગ તેમને ઈમારતમાંથી ખેંચીને બહાર કાઢી રહી છે અને બળજબરી વાહનની પાછળ નાંખી રહી છે.