- શો ના મેકર્સે પારસને શો માંથી બહાર કાઢી મૂકવાની ખબરને સાચી કહી
- બીજો શો સાઇન કરવાને કારણે રાતોરાત સિરિયલમાંથી કાઢી મૂકવામાં આવ્યા હતા
- ટીવી ઇન્ડસ્ટ્રીમાં ઘણું પોલિટીક્સ થાય છે અને ત્યાં ટકી રહેવું ખૂબ જ મુશ્કેલ છે.- પારસ
ટીવી દુનિયાની ફેમસ સિરિયલ અનુપમા છેલ્લા ઘણા દિવસોથી અલગ કારણે હેડલાઇન બનાવી રહે છે. અનુપમા જે દર મહિને નંબર 1 કે 2 પર રહે છે તેને ઘણા વિવાદોનો સામનો કરવો પડી રહ્યો છે. સિરિયલમાં અનુપમાના લાડલા દીકરા સમરનો રોલ નિભાવતા પારસ કલનાવતને શો માંથી કાઢી મૂકવામાં આવ્યા છે અને શો ના મેકર્સે પારસને શો માંથી બહાર કાઢી મૂકવાની ખબરને સાચી કહી છે.
એક મીડિયા રિપોર્ટ અનુસાર પારસે સો ના મેકર્સેને જાણ કર્યા વિના રિયાલિટી શો 'જલક દિખલા જા 10' સાઇન કરી લીધું હતું અને એટલા માટે એમને રાતોરાત સિરિયલમાંથી કાઢી મૂકવામાં આવ્યા હતા. જો કે આવી ખબર બહાર આવ્યા પછી પારસે તેની ચુપ્પી તોડી અને સોશ્યલ મીડિયા પર પોસ્ટ કરીને રૂપાલી ગાંગુલીથી લઈને ગૌરવ ખન્ના સુધી એમનો ગુસ્સો જાહેર કર્યો છે.
પારસે એક ઇંટરવ્યૂમાં કહ્યું હતું કે- 'હું મારા દુશ્મનોનું નામ નથી જણાવી શકતો અને હું કોઈ મહિલા પર આરોપ પણ નથી લગાવવા માંગતો. હું આ મુદ્દે ચૂપ રહીશ અને જો કોઈ પણ વાક્ય બોલીશ તો આ જઘડો ઘણો આગળ વધી શકે છે. ' સાથે જ પારસે બીજા ઘણા ખુલાસા કરતાં કહ્યું હતું કે, ' ટીવી ઇન્ડસ્ટ્રીમાં ઘણું પોલિટીક્સ થાય છે અને ત્યાં ટકી રહેવું ખૂબ જ મુશ્કેલ છે. જો તમે કોઈ પોલિટીક્સના હિસ્સો ન બન્યા તો તમે પાછળ છૂટી જશો. અને જો તમે શાંત સ્વભાવના માણસ છો તો આ પોલિટીક્સ સહન નહીં કરી શકો. હું પોતે તેનો શિકાર છું. શો છોડ્યા પછી મને રૂપાલી ગાંગુલી કે ગૌરવ ખન્ના કોઈનો કઈ પણ મેસેજ કે કોલ આવ્યો નથી.'
એ પછી પારસે તેના સોશ્યલ મીડિયા પર એક પોસ્ટ શેર કરી છે અને તેમાં એમને તેમના એક્સપિરિયન્સ વિશે પણ કહ્યું છે. એમને વિડીયોના કેપ્શનમાં લખ્યું છે કે, ' દરેક સફરનો અંત હોય છે. હું મારી ટીમના લોકોને યાદ કરીશ. હું મારી સાઈડની સ્ટોરી વિશે જરૂર વાત કરીશ કે આ શોનો હિસ્સો બન્યા પછી મારે શું સહન કરવું પડ્યું હતું. આ કોઈ ડરામણા સપનાથી ઓછું નથી. શો માં જે લોકો મારી નજીક છે એમને મારા નાખુશી વિશે બધી જાણ હતી પણ કોઈ એ કઈ એક્શન ન લીધું. આ ખરેખર એક મિક્સ ફિલિંગ છે.' સાથે જ એમને શોના ઘણા લોકોનો આભાર માન્યોહતો. અને શો નો હિસ્સો બનાવવા માટે આભાર પણ માન્યો હતો.
