મુંબઇઃ બિગબોસ ફ્રેમ અભિનેતા અરમાન કોહલી વિવાદોમાં ફસાયા છે. તેમના પર આરોપ છે કે રવિવારે રાતે મુંબઈના જુહુ વિસ્તારમાં આવેલા પોતના બંગલા પર ગર્લફ્રેન્ડ સાથે મારપીટ કરી હતી. તેમની ગર્લફ્રેન્ડ નીરુ રંધાવાએ આ અંગે સાંતાક્રુઝ પોલીસ મથકમાં ફરિયાદ પણ નોંધાવી છે.
નીરૂનો આરોપ છે કે અરમાન આ અગાઉ કેટલીય વાર મારપીટ કરી ચૂક્યા છે. આગઉ અરમાનના ત્રાસથી તે દુબઇ જતી રહી હતી પણ અરમાને લગ્નનું વચન આપીને તેને પરત બોલાવી લીધી. ચર્ચાઓ મુજબ અરમાને નીરૂ સાથે બેલ્ટથી મારપીટ કરી અને દિવાલ પર માથુ પણ પછાડ્યું. જેના પગલે તેને માથામાં ઈજા પહોંચી હતી. જે તસવીર સોશિયલ મીડિયામાં વાયરલ થઈ છે.
હાલ અંધેરીના કોકિલાબને હોસ્પિટલમાં તેની સારવાર ચાલી રહી છે. એવી ચર્ચા ચાલી રહી છે કે અરમાનના ગોવા સ્થિત બંગલાને લઈને બંને વચ્ચે માથાકુટ થઈ હતી. બંગલો ભાડે આપવામાં આવે છે અને ભાડાની રકમને લઈને બંને વચ્ચે ચર્ચા શરૂ થઈ અને અરમાન ભડકી ઉઠ્યા.
અરમાનની ગર્લફ્રેન્ડ નીરૂ રંધાવા વ્યવસાયે ફેશન ડિઝાઈનર છે અને તે દુબઈથી મુંબઈ પોતાનું કરિયર બનાવવા માટે આવી હતી. 2015માં અરમાન સાથે તેમની મિત્રતા થઈ અને બાદમાં તેઓ લીવ ઈન રિલેશનશીપમાં રહે છે.