અર્જુન કપૂરની ફિલ્મ 'ધ લેડી કિલર' સિનેમાઘરોમાં 3 નવેમ્બરનાં રિલીઝ થઈ ગઈ છે. ટ્રેલર જોઈને લાગી રહ્યું હતું કે ક્રાઈમ અને સસ્પેંસથી ભરપૂર આ ફિલ્મ સારી હશે. જો કે રિલીઝ થયા બાદ પહેલા દિવસે સમગ્ર દેશમાંથી 300 દર્શકો પણ થિયટરમાં ન પહોંચ્યાં.
Share
અર્જુન કપૂરની ફિલ્મ પહેલા જ દિવસે ફ્લોપ
ઓપનિંગ ડે પર 300 દર્શકો પણ મૂવી જોવા ન આવ્યાં
મેકર્સ અને સ્ટાર્સને મૂવીની કોઈ ચિંતા જ ન હોય તેવું લાગી રહ્યું છે
અર્જુન કપૂર અને ભૂમિ પેડનેકરની ફિલ્મ ' The Lady Killer' સિનેમાઘરોમાં 3 નવેમ્બરનાં રિલીઝ થઈ છે. આ ફિલ્મનું ટ્રેલર થોડા દિવસો પહેલાં જ સામે આવ્યું હતું જેમાં અર્જુન અને ભૂમિને મર્ડર મિસ્ટ્રીની વચ્ચે અફેયર ચલાવતા જોવા મળ્યું હતું. ટ્રેલર જોઈને લાગી રહ્યું હતું કે ક્રાઈમ અને સસ્પેંસથી ભરપૂર આ ફિલ્મ સારી હશે જો કે રિલીઝ બાદ આખી ગેમ પલટાઈ ગઈ!
પહેલા જ દિવસે ફ્લોપ
લાગે છે કે ' ધ લેડી કિલર'નાં સ્ટાર્સ અને મેકર્સને મૂવીની કોઈ ચિંતા જ નથી. એટલે જ તો ન તો અર્જુન અને ન તો ભૂમિએ આ મૂવીનું ટ્રેલર સોશિયલ મીડિયા પર શેર કર્યું અને ન તો કોઈએ પ્રમોશન કર્યું. વગર કોઈ જાણકારી આ મૂવી થિયેટરમાં રિલીઝ કરી દેવામાં આવી. 3 નવેમ્બરનાં સિનેમાઘરોમાં આવેલી આ ફિલ્મ પહેલા જ દિવસે ફ્લોપ થઈ ગઈ.
મોટું નુક્સાન
બોક્સ ઓફિસ રિપોર્ટ અનુસાર પહેલા દિવસે અર્જુન કપૂરની આ ફિલ્મ જોવા 300 લોકો પણ નહોતા પહોંચ્યાં. Sacnilkનાં ટ્વીટ અનુસાર ધ લેડી કિલરનાં ઓપનિંગ જે પર આશરે 293 ટિકીટ વેંચાઈ હતી. તેવામાં ફિલ્મની પહેલા દિવસે કમાણી માત્ર 38 હજાર રૂપિયા રહી. કોવીડ કાળ બાદ અત્યાર સુધી કોઈપણ બોલીવુડ ફિલ્મે આથી ખરાબ કમાણી પોતાના પહેલા દિવસે કદાચ જ કરી શકે. આ નંબર્સ શોકિંગ છે.
કાસ્ટિંગ
ડાયરેક્ટર અજય બહલે આ ફિલ્મનું નિર્દેનશન કર્યું છે. આ પહેલા તેમણે ઋચા ચઢ્ઢા, અક્ષય ખન્ના અને મીરા ચોપડા સ્ટારર મૂવી 'સેક્શન 375' બનાવી હતી. તેને સિંગલ સ્ક્રીનથી લઈને મલ્ટીપ્લેક્સ સુધી ખબાર રિસ્પોન્સ જોવા મળ્યાં હતાં. દેશભરની જનતા અર્જુન અને ભૂમિની ફિલ્મ જોવામાં કોઈ જ રસ નથી દાખવી રહ્યાં. ફિલ્મનું ટ્રેલર રિલીઝ થયાનાં 5 દિવસ પહેલાં રિલીઝ કરવામાં આવ્યું હતું જે કદાચ ફોર્માલિટી પૂરી કરવા માટે કરાયું હશે. કહેવાઈ રહ્યું છે કે આ વિકેંટ બાદ ફિલ્મને સિનેમાઘરોમાંથી હટાવી દેવામાં આવશે. શક્ય છે કે આ ફિલ્મ OTT પ્લેટફોર્મ પર બ્રોડકાસ્ટ કરવામાં આવે.
