કોમ્પિટીશન / ઍપલ 2024 સુધીમાં કરશે એવું કામ કે ગૂગલને મળશે સીધી ટક્કર 

• ઍપલ લોન્ચ કરશે તેની કાર 
• ગૂગલે પણ બનાવી છે કાર 
• 2024 સુધીમાં તૈયાર થશે પ્રોડક્ટ 

એક રિપોર્ટ અનુસાર કંપની પ્રોજેક્ટ ટાઇટનના નામથી 2014થી જ ઑટો સેક્ટરમાં પગલુ ભરવા માટે કામ કરી રહી છે. કંપનીએ પોતાના વાહનની એક ડિઝાઇન તૈયાર કરી હતી પરંતુ ત્યારે કંપનીએ પોતાનું ધ્યાન સોફ્ટવેર પર કેન્દ્રિત કર્યુ હતું. 

190 લોકોની ટીમ
સૂત્રો અનુસાર એપલે આ પ્રોજેક્ટ વિશેની જાણકારી સાર્વજનિક નથી કરી પરંતુ આ પ્રોજેક્ટ માટે 190 લોકોની ટીમ કામ કરી રહી છે. 

કંન્ઝ્યુમર માટે ઉપયોગી 
એપલે ઘણી પ્રગતિ કરી છે પરંતુ સુત્રોના જણાવ્યા અનુસાર કંપનીનું લક્ષ્ય હવે ઉપભોક્તાઓ માટે વાહન બનાવવાનું છે. એપલે આ યોજનાને સાર્વજનિક નથી કરી. 

ગૂગલને આપશે ટક્કર 
એપલને આમ જોવા જઇએ તો લોકો માટે ઉપયોગી સાધન બનાવવા માટે દિગ્ગજ કંપનીઓ સાથે મુકાબલો કરવો પડી શકે છે. ગૂગલની મૂળ કંપની આલ્ફાબેટ ઇંક પણ Waymoનામથી રોબો ટેક્સી તૈયાર કરી ચૂકી છે. જે ડ્રાઇવરલેસ કાર છે. 

એપલની મૂળ રણનીતિ પ્રમાણે તે એવી કાર બનાવી રહ્યાં છે જેની બેટરી સસ્તામાં આવે અને જેનાથી કારની પ્રાઇઝ પણ ઓછી થઇ જાય. હાલમાં કંપનીએ આ બાબતે કોઇ પણ પ્રકારની ટિપ્પણી કરવાની ના કહી દીધી છે. 

મહત્વનું છે કે એપલ દુનિયાભરમાં એક પ્રતિષ્ઠિત બ્રાન્ડ છે અને તે ફોનથી લઇને ટેબલેટ અને ફિટનેસ બેન્ડ સુધીની પ્રોડક્ટ બનાવે છે. લોકોમાં એપલની પ્રોડક્ટનો જબરજસ્ત ક્રેઝ છે.