- અસામાજિક તત્વો બન્યા બેફામ
- મેમ્કોમાં લારી ચલાવતા યુવક પર હુમલો
- અમરાઇવાડી,ચાંદલોડિયામાં વાહનોની કરી તોડફોડ
રાજ્યમાં દિવસે અને દિવસે કાયદો વ્યવસ્થાની સ્થિતિ કથળથી જાય છે. અસામાજિક તત્વો પણ બેફામ બન્યા છે. ત્યારે અમદાવાદના મેમ્કો બ્રિજ નીચે મનપંસદ લારી ચલાવતા યુવક પર અસામાજિક તત્વોએ હુમલો કર્યો છે તો બીજી તરફ અમરાઇવાડીના સુરા ભગતની ચાલીમાં લુખ્ખા તત્વોએ વાહનોમાં તોડફોડ કરી. 3થી 4 યુવકો દ્વારા તોડફોડની સમગ્ર ઘટના CCTVમાં કેદ. જ્યારે ચાંદલોડિયામાં પણ જગતપુર રોડ નજીક આવેલા કૈલાશનગરમાં તોડફોડ કરી. અસામાજિક તત્વોના ત્રાસથી લોકો પરેશાન છે. તો આ તરફ ગોંડલમાં ફર્નિચરના શો-રૂમ પર અસામાજિક તત્વોએ હુમલો કર્યો હતો. ઉત્તરાયણના દિવસે DJ વગાડવા મુદ્દે બબાલ થઇ હતી.ત્યારે અસામાજિક તત્વોને પોલીસે પકડવા કાર્યવાહી હાથ ધરી છે.
લુખ્ખા તત્વોએ વાહનોમાં કરી તોડફોડ
અમરાઇવાડી વિસ્તારમાં અસામાજિક તત્વોનો આતંક જોવા મળ્યો છે. સુરા ભગતની ચાલીમાં લુખ્ખા તત્વોએ વાહનોમાં તોડફોડ કરી છે. હથિયારો સાથે ત્રાટકેલા અસામાજિક તત્વોએ તોડફોડ કરી લોકોમાં ભય ફેલાવ્યો છે. 3થી 4 યુવકો દ્વારા તોડફોડની સમગ્ર ઘટના CCTVમાં કેદ થઈ છે. રોફ જમાવવા આરોપીઓએ તોડફોડ કરતાં લોકોમાં ભય ફેલાયો છે. અમરાઇવાડી પોલીસે ગુનો નોંધી તપાસ હાથ ધરી છે.
વાંચવા જેવું: હવે અમદાવાદમાં પણ જોવા મળશે ફોરેન જેવાં રસ્તા, જાણો શું છે આ આઈકોનિક રોડ, કયા-કયા એરિયા થશે ડેવલોપ
ફર્નિચરના શો-રૂમમાં તોડફોડ
ગોંડલમાં ફર્નિચરના શો-રૂમ પર હુમલો કરીને તોડફોડની ઘટના સામે આવી છે. પાલિકાની વોટર શાખાના ચેરમેન પર હુમલો થયાનો પણ આક્ષેપ થયો છે. પોલીસે ફરિયાદ નોંધીને તપાસ હાથ ધરી છે. ઉત્તરાયણના દિવસે DJ વગાડવા મુદ્દે માથાકૂટ થઈ હતી.
