નવો પ્રયોગ / અમૂલે પશુઓના વીર્યમાંથી મેલ-ફિમેલના સીમન અલગ કર્યા, નજીવી કિંમત રખાતા સભાસદ પશુપાલકો થશે મોટો ફાયદો

• અમૂલના સભાસદો માટે સેક્સસીમનનો પ્રયોગ
• 50 રૂપિયામાં મેલ કે ફિમેલના સીમન મેળવી શકાશે
• પશુઓના વીર્યમાંથી મેલ,ફિમેલના સીમન અલગ કરાશે

એશિયામાં આગવું સ્થાન ધરાવતી અમૂલ દ્વારા સભાસદો માટે સેક્સસીમનનો નવો પ્રયોગ શરૂ કરવામાં આવ્યો છે. જેમાં પશુપાલકો મેલ કે ફિમેલની પસંદગી કરીને માત્ર 50 રૂપિયામાં સીમન મેળવી શકશે. ભારતની સૌપ્રથમ મોબાઇલ લેબ અમૂલે વાહનમાં તૈયાર કરી છે.

આ બાબતે અમૂલના ચેરમેન રામસિંહ પરમારે વધુમાં જણાવ્યું હતું કે પોતે એક વિદેશ યાત્રા દરમિયાન આ પ્રકારની લેબ જોઈ હતી અને તે પણ મોંઘા ભાવના કારણે પશુપાલકોને પોસાય તેમ નહોતું. જેથી ઓડના દેવરામપુરા પાટિયા પાસે આવેલ અમૂલ સીમન રિસર્ચ સેન્ટરમાં 25 કરોડના ખર્ચે આ પ્રયોગ કરવામાં આવ્યો હતો.

અત્યારે સુધી બહારથી સીમન લાવી અમૂલે પ્રયોગ કર્યો હતો જેમાં 92 થી 94% જેટલી સફળતા મળી છે. આ સુવિધાથી દૂધ ઉત્પાદનમાં મોટો વધારો થશે અને પશુપાલકોને સરળતાથી સેક્સસીમન મળી જશે જેથી ટાઈમસર બીજદાન થઈ શકશે. 

જેમાં અમૂલ દ્વારા પશુઓના વીર્ય આપવામાં આવ્યા હતા જેમાંથી મેલ અને ફિમેલના સીમન અલગ કરવાનો પ્રયોગ હાથ ધરવામાં આવ્યો હતો.આ પ્રયોગની તપાસ કરવામાં આવતા 100 ટકા પરિણામ આવતા આજે અમૂલ દ્વારા સભાસદો માટે જરૂરિયાત પ્રમાણે સીમન મળી રહે તે માટે આજે ઓનવિલ લેબનું ઉદ્ઘાટન કરી ખુલ્લું મુકવામાં આવ્યું છે. અમૂલના આ નવતર પ્રયોગથી સભાસદોને નજીવા દરે મેલ કે ફિમેલના સીમન મેળવી શકશે જેથી પશુપાલકોને મોટી રાહત થશે.