BIG NEWS / મોંઘવારીનો વધુ એક ફટકો: અમૂલ દૂધના ભાવમાં પ્રતિ લિટરે 2 રૂપિયાનો વધારો, આવતીકાલથી નવો ભાવવધારો લાગુ

• અમૂલના દૂધના ભાવમાં પ્રતિ લિટરે બે રુપિયાનો વધારો
• આવતી કાલથી અમૂલનો નવો ભાવ વધારો થશે લાગુ
• છેલ્લા એક વર્ષમાં લિટરે 6 રૂપિયાનો ભાવ વધારો કરાયો

અમૂલ દૂધના ભાવમાં લિટરે બે રૂપિયાનો વધારો કરવામાં આવ્યો છે. અમૂલના દૂધમાં લિટરે બે રુપિયાનો ભાવવધારો લાગુ કરાતા આવતીકાલથી અમૂલ ગોલ્ડના 500 MLનો ભાવ 31 રૂપિયા થઇ જશે. તો અમૂલ શક્તિના 500 MLનો ભાવ 28 રુપિયા થઇ જશે. જ્યારે અમૂલ તાજાના 500 MLનો ભાવ 25 રુપિયા થઇ જશે.

આવતી કાલથી અમૂલનો નવો ભાવ વધારો લાગુ થશે

અમૂલના ભાવમાં ફરીવાર વધારો લાગુ કરાતા એકવાર ફરી ગૃહિણીઓનું બજેટ ખોરવાશે. તમને જણાવી દઇએ કે, એક તરફ પેટ્રોલ-ડીઝલના ભાવવધારાથી તો જનતા પરેશાન છે. એમાંય ઉપરથી હવે મોંઘવારીનો માર સહન કરી રહેલી જનતાને હવે દૂધનો ભાવવધારો સહન કરવો પડશે.

મહત્વનું છે કે, ગુજરાત કોઓપરેટીવ મિલ્ક માર્કેટિંગ ફેડરેશન દ્વારા અમૂલ બ્રાન્ડ હેઠળ દૂધ અને દૂધની બનાવટોનું માર્કેટિંગ કરવામાં આવે છે. તેમના દ્વારા સમગ્ર ગુજરાત, દિલ્હી NCR, મુંબઇ, પશ્ચિમ બંગાળ અને અન્ય તમામ બજારોમાં તારીખ 17 ઓગસ્ટ 2022થી દૂધના ભાવમાં પ્રતિ લિટરે 2 રૂપિયાનો વધારો કરવાનો નિર્ણય કરવામાં આવ્યો છે.

Gujarat Cooperative Milk Marketing Federation, marketer of milk&milk products under the brand name Amul, increases milk prices by Rs 2/litre in Ahmedabad & Saurashtra of Gujarat, Delhi NCR, WB, Mumbai &all other markets where Amul is marketing its fresh milk effective from 17 Aug pic.twitter.com/8e0yEbc5xq

— ANI (@ANI) August 16, 2022

છેલ્લા એક વર્ષમાં લિટરે 6 રૂપિયાનો ભાવ વધારો કરાયો

અમૂલ ગોલ્ડ, શક્તિ અને તાજા સહિત તમામ દૂધમાં અમૂલે લિટરે 2 રૂપિયાનો વધારો કર્યો છે. જે ભાવવધારો આવતીકાલથી લાગુ થશે. એટલે કે તારીખ 17મી ઓગસ્ટથી આ નવો ભાવવધારો લાગુ પડશે. આમ, છેલ્લા એક વર્ષમાં લિટરે 6 રૂપિયાનો ભાવવધારો કરાતા આવતીકાલથી જનતાને મોંઘવારીનો વધુ એક ઝટકો લાગશે.