બોલિવૂડ / અમિતાભ બચ્ચને લીધો વેક્સીનનો બીજો ડોઝ, તસવીર શેર કરીને ફેન્સથી માંગી માફી, જાણો શું છે કારણ

• અમિતાભ બચ્ચને લીધો વેક્સીનનો બીજો ડોઝ
• તસવીર શેર કરીને ફેન્સથી માંગી માફી
• બિગ બીની તસવીર સોશિયલ મીડિયા પર થઈ વાયરલ

અત્યારે દેશભરમાં 18 વર્ષથી વધુ ઉંમરના લોકો માટે વેક્સીનેશન શરૂ કરી દેવાયું છે. સ્ટાર્સ પણ વેક્સીન લઈ રહ્યાં છે, જેથી કોરોનાથી બચી શકે. હાલમાં જ બિગ બીએ તેમનો બીજો ડોઝ લીધો અને સોશિયલ મીડિયા પર તેની જાણકારી આપી અને તસવીર શેર કરી. આ સાથે જ તેમણે તેમના ફેન્સની માફી પણ માંગી. હવે આ પોસ્ટ જોયા બાદ ફેન્સ તેમનું હાસ્ય રોકી નથી શકી રહ્યાં. 

 

 

 

 

View this post on Instagram

 

 

 

 

 

 

 

 

 

 

 

A post shared by Amitabh Bachchan (@amitabhbachchan)

અમિતાભ બચ્ચન સોશિયલ મીડિયા પર ખૂબ જ એક્ટિવ છે. કોરોના રસીનો બીજો ડોઝ લીધા પછી તેમણે પોતાની એક તસવીર શેર કરી છે. આ તસવીરની સાથે તેમણે એક મજેદાર કેપ્શન પણ લખ્યું છે, બીજો પણ થઈ ગયો. કોવિડવાળો, ક્રિકેટ વાળો નહીં. હસવાવાળા ઇમોજી સાથે તેમણે આગળ લખ્યું-સોરી, સોરી આ ખૂબ ખરાબ હતું.

અમિતાભની આ પોસ્ટ વાંચ્યા પછી લોકો તેમનું હાસ્ય રોકી શકતા નથી. લોકો તેમને પૂછી રહ્યાં છે કે તેઓ રાત્રે ત્રણ વાગ્યે પોસ્ટ કેમ શેર કરે છે. સાથે જ કેટલાક એવા પણ છે જેમણે કહ્યું કે તમે બંને ડોઝ લઈ લીધા અમને તો હજી સુધી એક પણ નથી મળ્યો. 

અમિતાભ બચ્ચને ગયા મહિને એટલે કે 1 એપ્રિલે ટ્વિટર અને બ્લોગ પર તેમણે કોરોના રસીનો પહેલો ડોઝ લેવાની જાણકારી શેર કરી હતી. સાથે તેમણે કહ્યું હતું કે પરિવારમાં અભિષેક બચ્ચન સિવાય બધાંએ તેમના પહેલો ડોઝ લઈ લીધો છે.

અમિતાભ સતત લોકોને કોરોનાથી બચાવવા માટે કામ કરી રહ્યાં છે. હાલમાં જ તેમણે પોતાના એક બ્લોગમાં જણાવ્યું હતું કે 15 મેએ પોલેન્ડથી ઓક્સિજન રવાના થશે. બિગ બીએ લખ્યું હતું કે મેં હમણાં જે ઓર્ડર આપ્યો છે તે 5 લિટર છે અને આગામી દિવસોમાં હું 10 લિટરના 50 ઓક્સિજન ખરીદીશ અને હોસ્પિટલમાં દાન કરીશ.