ચૂંટણી / ડીસામાં અમિત શાહના કોંગ્રેસ પર આકરા પ્રહાર, કહ્યું- 'ચારે કોર મોદી મોદી'

લોકસભાની ચૂંટણીને લઈને અમિત શાહ ગુજરાતની મુલાકાતે છે. ત્યારે તેમણે ડીસામાં બે કિમીનો રોડ શો યોજ્યો હતો. ત્યારબાદ રસાલા ચોક ખાતે જંગી સભાને સંબોધન કર્યું હતું. લોકસભાના લીડને યથાવત રાખવાના ઉદ્દેશ સાથે અમિત શાહ જંગી સભાને સંબોધન કર્યું હતું. આ દરમિયાન પ્રદેશ પ્રમુખ જીતુ વાઘાણી, કેન્દ્રીય મંત્રી હરિભાઇ ચૌધરી અને શંકર ચૌધરી હાજર રહ્યા હતા.

ડીસા જાહેરસભામા અમિત શાહનુ સંબોધન

આ અગાઉ ગીર સોમનાથમાં ભાજપ પ્રમુખ અમિત શાહે સભા સંબોધી હતી. જેમાં અમિત શાહે પોતાની સભામાં કોંગ્રેસ પર આક્ષેપ કર્યા હતા. અમિત શાહે જણાવ્યું કે, કોંગ્રેસની સરકાર બને તો પ્રધાનમંત્રી કોણ બનશે તે રાહુલ ગાંધીએ જણાવવું જોઈએ.
 

ગીર સોમનાથનાં કોડીનારમાં ભાજપ અધ્યક્ષ અમિત શાહે સભા સંબોધી

ગીર સોમનાથનાં કોડીનારમાં ભાજપ અધ્યક્ષ અમિત શાહે સભા સંબોધી હતી. પાકિસ્તાનને જડબાતોડ જવાબ આપવાના નામે મત માંગ્યા. તો રાહુલ ગાંધી કોંગ્રેસ અને બસપા સહિતની પાર્ટીઓ પર પ્રહાર કર્યા હતા. કોડીનારમાં અમિત શાહનું શાનદાર સ્વાગત કરાયું હતું.
અમિત શાહે કોંગ્રેસ અને રાહુલ ગાંધી પર આકરા પ્રહાર કર્યા. તેમણે કહ્યું હતું કે 40 જવાનોનાં તેરમાનાં દિવસે પાકિસ્તાનમાં એરસ્ટ્રાઈક કરી તેના કારણે પાકિસ્તાનમાં માતમ છવાયું હતું. તો બીજી બાજુ કોંગ્રેસમાં પણ શોકનો માહોલ છવાયો હતો. રાહુલ ગાંધી તમે પાકિસ્તાન સાથે ઇલું ઇલું કરો અમે નહિ કરીએ. સાથે જ અમિત શાહે આઝમખાન અને માયાવતી પર પણ નિશાન સાધી અને કહ્યું કે જયાપ્રદાને આજમખાને જે શબ્દો કહ્યા તે એક મહિલાનું અપમાન છે.