જૂનાગઢ લોકસભા બેઠક પર ખરાખરીનો જંગ જામ્યો છે. પ્રધાનમંત્રી બાદ અમિત શાહ કોડીનારમાં સભા ગજવી હતી. ત્યારબાદ હવે ડીસામાં અમિત શાહે રોડ શો કર્યો હતો અને રેલીને સંબોધી હતી.
લોકસભાની ચૂંટણીને લઈને અમિત શાહ ગુજરાતની મુલાકાતે છે. ત્યારે તેમણે ડીસામાં બે કિમીનો રોડ શો યોજ્યો હતો. ત્યારબાદ રસાલા ચોક ખાતે જંગી સભાને સંબોધન કર્યું હતું. લોકસભાના લીડને યથાવત રાખવાના ઉદ્દેશ સાથે અમિત શાહ જંગી સભાને સંબોધન કર્યું હતું. આ દરમિયાન પ્રદેશ પ્રમુખ જીતુ વાઘાણી, કેન્દ્રીય મંત્રી હરિભાઇ ચૌધરી અને શંકર ચૌધરી હાજર રહ્યા હતા.
ડીસા જાહેરસભામા અમિત શાહનુ સંબોધન
ડીસાના લોકોને વધુ કહવાની જરૂર નથીઃ અમિત શાહ
રોડ શો અને સભામા આપણા ઉમેદવાર અને મોદીને જીતાવડવા આવ્યો છુઃ અમિત શાહ
હું આ 242 લોકસભાની ચૂંટણીનું પ્રચાર કરવા આવ્યો છુઃ અમિત શાહ
ચારે બાજુ એક જ નામ છે મોદી મોદીઃ અમિત શઆહ
દેશની સુરક્ષા આપવાનું મોટુ કામ મોદી સરકારે કર્યું છેઃ અમિત શાહ
નહેરૂ અને ઇન્દિરા ગાંધીએ ગરીબી હટાવાની વાત કરી હતીઃ અમિત શાહ
ચાર પેઢીથી ગરીબી હટાવવાની વાત કરે છેઃ અમિત શાહ
મોદી સરકારે પાંચ કરોડ ઘરમાં ગેસ આપ્યો છેઃ અમિત શાહ
70 વર્ષ થઈ સવર્ણ સમાજને 10 ટકા અનામત આપવાનું કામ ભાજપે કર્યું છેઃ અમિત શાહ
આ અગાઉ ગીર સોમનાથમાં ભાજપ પ્રમુખ અમિત શાહે સભા સંબોધી હતી. જેમાં અમિત શાહે પોતાની સભામાં કોંગ્રેસ પર આક્ષેપ કર્યા હતા. અમિત શાહે જણાવ્યું કે, કોંગ્રેસની સરકાર બને તો પ્રધાનમંત્રી કોણ બનશે તે રાહુલ ગાંધીએ જણાવવું જોઈએ.
ગીર સોમનાથનાં કોડીનારમાં ભાજપ અધ્યક્ષ અમિત શાહે સભા સંબોધી હતી. પાકિસ્તાનને જડબાતોડ જવાબ આપવાના નામે મત માંગ્યા. તો રાહુલ ગાંધી કોંગ્રેસ અને બસપા સહિતની પાર્ટીઓ પર પ્રહાર કર્યા હતા. કોડીનારમાં અમિત શાહનું શાનદાર સ્વાગત કરાયું હતું.
અમિત શાહે કોંગ્રેસ અને રાહુલ ગાંધી પર આકરા પ્રહાર કર્યા. તેમણે કહ્યું હતું કે 40 જવાનોનાં તેરમાનાં દિવસે પાકિસ્તાનમાં એરસ્ટ્રાઈક કરી તેના કારણે પાકિસ્તાનમાં માતમ છવાયું હતું. તો બીજી બાજુ કોંગ્રેસમાં પણ શોકનો માહોલ છવાયો હતો. રાહુલ ગાંધી તમે પાકિસ્તાન સાથે ઇલું ઇલું કરો અમે નહિ કરીએ. સાથે જ અમિત શાહે આઝમખાન અને માયાવતી પર પણ નિશાન સાધી અને કહ્યું કે જયાપ્રદાને આજમખાને જે શબ્દો કહ્યા તે એક મહિલાનું અપમાન છે.