મેરાથોન બેઠક / કાશ્મીર મુદ્દે અમિતશાહ આજે મોટો આદેશ આપે તેવી શક્યતા, દિલ્હીમાં ઉચ્ચ અધિકારીઓ સાથે યોજાઈ મેરાથોન બેઠક

• દિલ્હીમાં અમિતશાહે યોજી મેરાથોન બેઠક 
• કાશ્મીર મુદ્દે લેવાઈ શકે છે મોટો નિર્ણય 
• બેઠકમાં NSA અજીત ડૌભાલ પણ રહેશે હાજર 

ગૃહમંત્રી અમિતશાહ આજે કાશ્મીરની સ્થિતીને લઈને મેરાથન બેઠક કરવાના છે,. બપોરે 2 વાગ્યાથી આ બેઠકો શરૂ થશે જે રાતે 10 વાગ્યા સુધી ચાલવાની છે. આજે તેઓ નેશનલ સિક્યુંરીટી સ્ટ્રેટરજી કોન્ફરન્સને સંબોધીત કરશે. આ બેઠકમાં વિવિધ રાજ્યોના ડીજીપી આઈજી સિવાય ખાનગી  સંસ્થાઓના પ્રમુખ પણ હાજર રહેવાના છે. 

13 દિવસમાં 11ની હત્યા 

બપોરે 2 વાગ્યે આજે જે બેઠક યોજાવાની છે તેમા રાષ્ટ્રીય સલાહકાર NSA અજીત ડોભાલ પણ હાજર રહેશે. આ સંમેલન આ વખતે એટલા માટે ખાસ છે કારણકે આ છેલ્લા કેટલાક સમયથી કાશ્મીરમાં આતંકીઓએ સામાન્ય નાગરીક અને પ્રવાસીઓની હત્યા કરવાનું શરૂ કરી દીધું છે. છેલ્લા 13 દિવસમાં આતંકીઓ 11 લોકોની હત્યા કરી ચુક્યા છે. 

ચીન બાંગ્લાદેશ મુદ્દે પણ થશે ચર્ચા 

આ બેઠકમાં ચીન અને બાંગ્લાદેશની સીમા મુદ્દે પણ ચર્ચા થઈ શકે છે.કાશ્મીરમાં પરિસ્થિતીને પહોચી વળવા માટે હવે સ્પેશિયલ ઓપરેશન હાથ ધરવામાં આવ્યું છે. જેમા દિલ્હીથી એક ટીમને કાશ્મીરમાં મોકલવામાં આવી છે. 

10થી વધું આતંકીઓ પણ ઠાર 

ઉલ્લેખનીય છે કે કાશ્મીરમાં આતંકીઓ હવે સેના અને પોલીસના જવાનોને પણ ટાર્ગેટ કરી રહ્યા છે. તે સિવાય પણ કાશ્મીરમાં આતંકીઓ હવે સામાન્ય નાગરીકોને ટાર્ગેટ કરી રહ્યા છે. પરંતુ વધતા જતા આતંકીઓને ત્રાસને લઈને સેના પણ હવે તો કાશ્મીરમાં એકશન મોડમાં આવી ગઈ છે. જેમાન છેલ્લા 15 દિવસમાં સેનાએ 10 કરતા પણ વધુ આતંકીઓને ઠાર કર્યા છે.