કૌભાંડ / રાજ્યની આ મોટી સહકારી સંસ્થામાં કરોડોના ભ્રષ્ટાચારનો આક્ષેપ, કોંગ્રેસ MLAએ સરકારને કરી રજૂઆત

• રાજ્યની મોટી સહકારી સંસ્થા ગુજકોમાસોલમાં ભ્રષ્ટાચારના આક્ષેપ
• MLA કિરીટ પટેલ અને દશરથ પટેલની સરકાર સમક્ષ રજૂઆત કરી 
• બનાસકાંઠાના ખોરડામાં જમીનમાં 1 કરોડથી વધુનું કૌભાંડ 

રાજ્યની મોટી સહકારી સંસ્થા ગુજકોમાસોલમાં ભ્રષ્ટાચાર કર્યુ હોવાનો આક્ષેપ લાગ્યો છે. કોંગ્રેસ MLA કિરીટ પટેલ અને દશરથ પટેલે આ મુદ્દે સરકારને રજૂઆત કરી છે. કિરીટ પટેલે ગુજકોમાસોલમાં ભ્રષ્ટાચાર અંગે નિવેદન આપ્યું હતું કે, બનાસકાંઠાના ખોરડા ગામે ગુજકોમાસોલે ખરીદેલી જમીનમાં 1 કરોડથી વધુનું કૌભાંડ થયુ છે. 

ગાંધીનગરમાં મકાન અને પ્લોટ ખરીદીમાં 8 કરોડ સુધીના બીલ મુકાયા

કોગ્રેસના ધારાસભ્ય કિરીટ પટેલે પણ ગુજકોમાસોલમાં થયેલા ભ્રષ્ટાચાર અંગે આક્ષેપો કરતાં જણાવ્યું હતું કે, સંસ્થા દ્વારા ગાંધીનગરમાં મકાન અને પ્લોટની ખરીદીમાં 8 કરોડ સુધીના બીલ પણ મુકાયા છે. તેમજ તાજેતરમાં  ગુજકોમાસોલમાં કરાયેલી 140 લોકોની ભરતી નિયમો વિરુદ્ધ કરવામાં આવી છે, જેની દશરથ પટેલ દ્વારા હાઇકોર્ટમાં પણ રજૂઆત કરવામાં આવી છે. જેના પગલે હાઈકોર્ટે તમામ મુદ્દાઓનો બે મહિનામાં તપાસ રિપોર્ટ રજૂ કરવા આદેશ કર્યો હોવાનું કિરીટ પટેલે જણાવ્યુ હતુ.