- અમદાવાદ જુગારધામ પર પોલીસ ત્રાટકી
- મિત્રના લગ્નમાં જુગાર રમતા શખ્સો ઝડપ્યા
- 150થી વધુ મોબાઈલ પણ કબ્જે લીધા
અમદાવાદ શહેરના એલિસબ્રિજ વિસ્તારમાં લગ્ન પ્રસંગ દરમિયાન ચાલી રહેલા જુગાર પર પોલીસની ટીમ ત્રાટકી હતી. આ દરમિયાન પોલીસે જુગાર રમતા 89થી વધુ જુગારીઓની અટકાયત કરી હતી. સાથે જ પોલીસે પોલીસે જુગારીઓ પાસેથી 150થી વધુ મોબાઈલ પણ કબ્જે લીધા હતા.
બાતમીના આધારે પોલીસે પાડ્યા દરોડા
એલિસબ્રિજ પોલીસને યોગ્ય બાતમી મળતા પોલીસની ટીમ લગ્ન પ્રસંગ દરમિયાન ચાલી રહેલા જુગારધામ પર ત્રાટકી હતી. આ દરમિયાન પોલીસને જોઈને જુગારીઓમાં ભાગદોડ મચી હતી. પોલીસે સ્થળ પરથી 89થી કરતા વધારે જુગારીઓને જુગાર રમતા રંગેહાથ પકડ્યા હતા. પોલીસે આ જુગારીઓની અટકાયત કરીને તેમની પાસેથી 150થી વધુ મોબાઈલ ફોન કબજે લીધા હતા અને તમામને એલિસબ્રિજ પોલીસ સ્ટેશન ખાતે લાવવામાં આવ્યા હતા.
ટોકન સિસ્ટમ દ્વારા ધમધમી રહ્યો હતો જુગારધામ
આ અંગે માહિતી આપતા પોલીસકર્મી અશ્વિન બારોટે જણાવ્યું કે, હું કાલે રાત્રી દરમિયાન ફરજ પર હતો, આ દરમિયાન પોલીસ કંટ્રોલરૂમ તરફથી માહિતી મળતા એલિસબ્રિજ પોલીસ સ્ટેશનના સ્ટાફે લગ્નપ્રસંગ દરમિયાન ચાલી રહી રહેલા જુગારધામ પર દરોડો પાડ્યો હતો. આ દરમિયાન બે ઘડી માટે પોલીસ પણ ચોંકી ગઈ હતી, કારણ કે સ્થળ પર 2 કે 5 નહીં પરંતુ 89 કરતા વધારે લોકો જુગાર રમી રહ્યા હતા. આ તમામ લોકો ટોકન સિસ્ટમથી મોટો જુગાર રમી રહ્યા હતા.
કાયદેસરની કાર્યવાહી હાથ ધરાઈ
તેઓએ જણાવ્યું કે, જે બાદ તમામ જુગારીઓ પાસેથી 150થી વધુ મોબાઈલ પણ કબ્જે લેવામાં આવ્યા હતા. તો 35થી વધુ વાહનો પણ કબ્જે લેવામાં આવ્યા હતા. હાલ તમામને એલિસબ્રિજ પોલીસ સ્ટેશન ખાતે લાવવામાં આવ્યા છે. તમામ વિરુદ્ધ કાયદેસરની કાર્યવાહી કરવામાં આવી રહી છે.
