- રણબીર કપૂરે આલિયા સાથે ઉજવ્યો જન્મદિવસ
- આલિયાએ રોમેન્ટિક તસવીર કરી શૅર
- શમશેરાનો ફર્સ્ટ લૂક થયો રિલીઝ
આલિયા રણબીર એકબીજાને કરી રહ્યાં છે ડેટ
આલિયા અને રણબીર એકબીજાને ડેટ કરી રહ્યાં છે તે વાતનો ખુલાસો તેમની પોસ્ટ પરથી થયો હતો. કોરોનાના કારણે 2020માં તેઓ લગ્ન નહોતા કરી શક્યા પરંતુ બની શકે કે જલ્દી જ તેઓ લગ્નના બંધનમાં બંધાઇ જાય.
રણબીર કપૂરનો જન્મદિવસ
સાવરિયા બોય રણબીર 39 વર્ષનો થઇ ગયો છે. 1984માં જન્મેલો રણબીર પર્સનલ લાઇફને લઇને પણ ચર્ચામાં રહે છે. હાલમાં કપલે જોધપુરમાં જન્મદિવસની ઉજવણી કરી હતી. આલિયાએ ઇન્સ્ટા પર એક તસવીર શૅર કરી છે.
સમુદ્ર કિનારે દેખાયા બંને
આલિયા ભટ્ટે ઇન્સ્ટા પર રોમેન્ટિક તસવીર શૅર કરી છે. તેમાં તે રણબીર સાથે ઉગતા સુરજને જોઇ રહી છે. બંને સમુદ્ર કિનારે બેઠા છે અને તસવીરમાં બંનેનો ફેસ નથી દેખાઇ રહ્યો. પોસ્ટમાં તેણે કેપ્શનમાં લખ્યું છે કે, હેપ્પી બર્થ ડે માય લાઇફ.
શમશેરાનો ફર્સ્ટ લૂક રિલીઝ
યશરાજ ફિલ્મ્સે રણબીરના જન્મદિવસ પર તેની અપકમિંગ મૂવી શમશેરાનો લૂક રિલીઝ કર્યો છે અને જન્મદિવસની શુભકામનાઓ આપી હતી. રણબીર આ લૂકમાં મોટા વાળમાં દેખાઇ રહ્યો છે. લૂકની સાથે રણબીરની આ ફિલ્મની રિલીઝ ડેટ પણ શૅર કરી છે.
ગયા વર્ષે રણબિરે પોતાનો બર્થ ડે ફેમિલી સાથે સેલિબ્રેટ કર્યો હતો. આલિયાએ રણબિરના બર્થ ડેની તસ્વીરો શેર કરી હતી જેમાં એક્ટર પોતાની માતા નીતુ કપૂર અને બહેન રિદ્ધિમા કપૂર સાહની સાથે લન્ચ કરી રહ્યા હતા. ત્યાં જ આલિયાની સાથે તે બે બર્થ ડે કેકની સાથે પોઝ કરતા જોવા મળ્યા હતા.
જણાવી દઈએ કે બન્નેના લગ્નને ગયા વર્ષે રાજીવ મસંદની સાથે એક ઈન્ટરવ્યૂમાં રણબીર કપૂરે તેના પર વાત કરી હતી. તેમણે કહ્યું હતું કે 'જો પેનડામિક ન હોય તો લગ્નનો પ્લાન ક્યારનો સીલ થઈ ચુક્યો હતો અને અત્યારે પણ તેના પર કંઈ બોલીને તેને નજર નથી લગાવવા માંગતો. હું પોતાના જીવનમાં આ ગોલને તરત જ પુરો કરી દેવા માંગુ છું. '
