સુરત / પાંડેસરામાં આકૃતિ મિલમાં આગ લાગતાં જીવ બચાવવા દોડધામ, ટેરેસ પરથી મહિલાએ માર્યો કૂદકો, 2 લોકો દાઝ્યા

• સુરતના પાંડસરા વિસ્તારમાં આવેલ મિલમાં લાગી આગ
• ફાયર ફાઈટરે ઘટના સ્થળે પહોંચીને બચાવ કામગીરી શરૂ કરી
• જીવ બચાવવા લોકોએ ધાબા પરથી માર્યો કૂદકો

આજે સાંજના સુમારે સુરતના પાંડેસરા વિસ્તારમાં આવેલી આકૃતિ મિલમાં આગ લાગતા ભારે દોડધામ મચી જવા પામી હતી. ત્યારે આગ લાગ્યાની જાણ ફાયર ફાઈટરને કરતા ફાયર ફાઈટરે ઘટના સ્થળે પહોંચી આગ પર પાણીનો મારો ચલાવી આગ ઓલવવાનો પ્રયાસ કર્યો હતો. જ્યારે ફાયર ફાઈટરના અન્ય કર્મીઓ દ્વારા યુધ્ધના ધોરણે બચાવ કામગીરી શરૂ કરી હતી. ત્યારે આગમાં ફસાઈ જતા ધાબેથી જીવ બચાવવા કૂદકો માર્યો હતો. જીવ બચાવવા માટે અન્ય છ થી સાત જણાએ કૂદકો માર્યો હતો. ત્યારે બે વ્યક્તિઓ દાઝી જતા તેઓને સારવાર અર્થે હોસ્પિટલમાં ખસેડવામાં આવ્યા હતા. ત્યારે આગમાં કેટલું નુકશાન થયું તે હજુ જાણવા મળ્યું નથી.

સુરતના પાંડેસરામાં આકૃતિ મિલમાં આગ લાગતા લોકોમાં જીવ બચાવવા દોડધામ, આશરે 6-7 લોકોએ જીવ બચાવવા કુદકો માર્યો, ટેરેસ પરથી જીવ બચાવવા કુદકો મારતી મહિલા નજરે પડી, ઘટનાની જાણ થતા ફાયર વિભાગની કામગીરી શરૂ#surat #pandesara #fire #akrutiMill pic.twitter.com/Q5iJ6j75dM

— VTV Gujarati News and Beyond (@VtvGujarati) November 24, 2022

મિલમાં અચાનક આગ લાગતા તમામ માલ સામાન  બળીના ખાખ થઈ જવા પામ્યો હતો. ત્યારે ફાયર બ્રિગ્રેડ દ્વારા તાત્કાલીક ઘટના સ્થળે પહોચી આગ પર પાણીનો મારો ચલાવી આગને ઓલવવાનો પ્રયાસ કર્યો હતો. ત્યારે આગ ઓલવાયા બાદ લોકો મિલમાં જઈને આગ કેવી રીતે લાગી તેનું નિરીક્ષણ કરી રહ્યા હતા.

સુરતના પાંડેસરા વિસ્તારમાં આગ લાગતા મિલમાં કામ કરી રહેલા લોકો તેમજ આજુબાજમાં કામ કરી રહેલ લોકો તાબડતોબ દોડી આવ્યા હતા. ત્યારે મિલ બહાર લોકોનાં ટોળે ટોળા ઉમટી પડ્યા હતા. 

મિલમાં અચાનક આગ લાગતા કામ કરી રહેલ લોકોમાં 6 થી 7 જણા ફસાઈ જવા પામ્યા હતા. ત્યારે ફસાયેલા લોકો દ્વારા જીવ બચાવવા માટે ધાબા પરથી કૂદકો મારતા વીડિયોમાં નજરે પડી રહ્યા છે. ત્યારે એક મહિલા પણ પોતાનો જીવ બચાવવા કૂદકો માર્યો હતો.