ભ્રષ્ટાચાર / બળાત્કારીઓ પાસેથી લાંચ લેનાર PSI શ્વેતા જાડેજા મામલે તપાસમાં મોટો ખુલાસો

• અમદાવાદમાં સસ્પેન્ડ PSI શ્વેતા જાડેજા લાંચ મામલો
• SOGની તપાસમાં થયો મોટો ખુલાસો
• 35 લાખ સિવાય પણ રૂ 10 લાખની વધુ લાંચનો ખુલાસો

અમદાવાદમાં સસ્પેન્ડ PSI શ્વેતા જાડેજા લાંચ મામલે SOGની તપાસમાં મોટો ખુલાસો થયો છે. 35 લાખ સિવાય પણ રૂપિયા 10 લાખની વધુ લાંચનો ખુલાસો થયો છે. જેમાં વધુ એક આંગડિયા પેઢી મારફતે 10 લાખ મોકલાવાયા હતાં. શ્વેતા જાડેજાએ બનેવી દેવેન્દ્ર ઓદડિયાને આ રૂપિયા મોકલ્યા હતાં. 

એક ફેબ્રુઆરીથી 6 ફેબ્રુઆરી સુ રૂપિયા 45 લાખની  લાંચ લીધી હતી. રૂપિયા 35 લાખની લાંચના પુરાવા મળ્યા છે. તેમજ બીજા 10 લાખ કોની પાસે લીધા તેની તપાસ શરૂ છે. કેવલ શાહે 30 લાખ આંગડિયા પેઢી મારફતે આપ્યા હતાં. જેમાં 4 લાખ રોકડ અને એક લાખનો મોબાઈલ આપ્યો હતો. જાન્યુઆરીમાં શ્વેતાના પિતા વિરુદ્ધ વ્યાજખોરીની ફરિયાજ નોંધાઈ હતી. SOGએ શ્વેતાના ભાઈને નિવેદન માટે નોટિસ આપી છે. અને શ્વેતા જાડેજાની પણ ફરી પૂછપરછ થઇ શકે છે.

શું છે મામલો?

GSP ક્રોપ સાયન્સ પ્રાઈવેટ લિમિટેડ કંપનીના એમ.ડી. કેનાલ શાહ વિરુદ્ધ વર્ષ 2017માં મહિલા કર્મચારીએ દુષ્કર્મની ફરિયાદ નોંધાવી હતી. આ કેસની તપાસ મહિલા પશ્ચિમ પોલીસ સ્ટેશનના PSI શ્વેતા જાડેજાને સોંપવામાં આવી હતી. ત્યારબાદ મહિલા પોલીસ સ્ટેશનમાં જ પોલીસ સામે આ કેસમાં સાક્ષી બનેલા વ્યક્તિને ધમકાવવા મામલે કેનાલ શાહ વિરૂદ્ધ સેટેલાઈટમાં ફરિયાદ થઈ હતી. આમ બે અલગ અલગ કેસની ફરિયાદ નોંધાવવામાં આવી હતી. જેમાં પીઆઈનો ચાર્જ ધરાવતાં PSI શ્વેતા જાડેજાએ રેપ કેસની તપાસમાં કેનાલ શાહને પાસા હેઠળ પૂરી દેવાનું જણાવી 35 લાખ રૂપિયાની માગણી કરી હતી. જેમાં તેમણે 20 લાખ ચૂકવી દેવાયા હતા પરંતુ 15 લાખ બાકી હતાં. આ માટે કેનાલ શાહે ક્રાઈમ બ્રાન્ચમાં અરજી કરી હતી. જે અંગે તપાસમાં પુરાવા મળતાં PSI શ્વેતા જાડેજા વિરુદ્ધ ફરિયાદ નોંધાઇ હતી. હાલ PSI શ્વેતા જાડેજાના 3 દિવસના રિમાન્ડ મંજૂર કર્યા છે.