કારના ડૉક્ટર / પાણીથી વાહન બંધ થાય તો શું કાળજી રાખવી? જાણી લો મિકેનિકે આપેલા ઉપાય, કોઈ દિવસ વચ્ચે નહી રહો ખર્ચો પણ બચશે

• પાણીમાં કાર ગરકાવ થાય બાદમાં શું કરવું?
• પાણીથી કાર બંધ થાય પછી શું કાળજી રાખવી?
• કેટલાક ઉપાયો મોટા નુકસાથી બચાવશે
• વાહનચાલકો ક્યા નિયમોથી છે પરેશાન?

અમદાવાદમાં રવિવારે સાંજે વરસાદે માઝા મૂકી હતી. એકધારે 10થી વધુ ઈંચ વરસાદ ગણતરીના કલાકોમાં વરસી જતાં શહેરમાં મોટાભાગની જગ્યાએ ક્યાંય ગળાડૂબ તો કયા ઘૂટણસમાં પાણી ભરાયા હતા. આ કારણે લોકોની ઘરવખરીને તો મોટું નુકસાન થયું છે સાથે જ વાહનોની પણ દશા આવી ગઈ છે. મોંઘી દાટ કાર હોય કે બાઈક, સ્કૂટી હોય કે પછી  રિક્ષા જેવા ગમે તે વાહન પાણીમાં દોડાવ્યા પછી રસ્તા પર ચાલે તેવા નથી રહ્યા. હાલ સર્વિસ સેન્ટર હોય ત્યાં દિવાળીની ખરીદી જેવા માહોલ છે. ખાનગી ગેરેજ અને કંપનીના સર્વિસ ગેરેજમાં વાહનોના થપ્પા લાગ્યા છે. જો કાર સર્વિસ કરાવી હોય તો 15 દિવસની વેઇટિંગ અને બાઈક સર્વિસ કરાવવું હોય તો 3 થી 4 દિવસનું વેઇટિંગ ચાલી રહ્યું છે.

એક પગાર જેટલો ખર્ચો થઈ શકે
હાલ એવી સ્થિતિ ઊભી થઈ છે એક તરફ મોંઘવારીએ માઝા મૂકી છે તો બીજી તરફ વરસાદી તારાજીને લીધે કાર જેવા વાહનોને રિપેરિંગ માટે આખોય પગાર ખર્ચી નાખે તો પૂરું થાય તેમ નથી એક ખાનગી અખબારનાં રિપોર્ટ પ્રમાણે 30 થી 40 ટકા વાહનોમાં નાનો મોટો સર્વિસનો પ્રોબ્લેમ આવ્યો છે. અને જો ગેરેજમાં મૂકવાની સ્થિતિ આવે તો 3 હજારથી લઈને 1 લાખથી વધારે સુધીનો ખર્ચ માગી લે એમ છે.માત્ર કાર જ નહીં, પરંતુ ટૂ-વ્હીલર સર્વિસ સેન્ટર પર પણ બાઈક અને સ્કૂટી મોટા પ્રમાણમાં સર્વિસ માટે આવી રહી છે.

ભારે વરસાદથી કાર માલિકોને આર્થિક નુકસાન

• કાર પાણીમાં ગરકાવ થતા એન્જીનના હેડ-બ્લોક પર અસર
• પાણીમાં ડૂબેલી કારને ચાલુ કરવાથી એન્જીન હાઇડ્રોસ્ટેટીક લોક થાય
• એન્જીન હાઇડ્રોસ્ટેટીક લોક થતાં વીમો નથી થતો પાસ  
• પાણીમાં ગરકાવ થયેલી કારમાં સરેરાશ રૂપિયા 10થી 15,000નો ખર્ચ
• મોટી કારોમાં સરેરાશ રૂપિયા 30,000 સુધીનો ખર્ચ 
• પાણીમાં ગરકાવ થયા બાદ કારને સેલથી ચાલુ કરતા વધે છે ખર્ચ
• વાહન સેલ મારીને ચાલુ કરાતા ખર્ચ રૂપિયા 50,000થી 75,000
• મોટી કાર સેલ મારી ચાલુ કરાતા ખર્ચ 15 લાખ સુધી પહોંચે 
• EVM,BCM,ઇલેક્ટ્રોનિક મોડ્યુલથી રિપેરિંગ ખર્ચ વધુ
• વાહન ઈન્સ્યોરન્સ કંપનીના નિયમોને લઇ લોકોની પરેશાની

ગેરજ હાઉસફુલ
ગાડી સર્વિસ કરતા ઓટો ગેરજ ધરાવતા માલિકોણું કહેવું છે કે રોજ 30 થી 40 ગાડીઓ રિપેરિંગ માટે આવી રહી છે. આ સ્થિતિ બાઈક રીપેર કરતાં ગેરજમાં છે. પણ જે પણ કાર સર્વિસમાં આવે તેમાં ઘણું નુકસાન થયું હોવાથી રોજ 5-6 ગાડી જ રિપેરિંગ થઈ રહી છે. મોટી સંખ્યામાં વાહનધારક પોતાના ઘરે જ સર્વિસ કરવા એવા ફોન કરી દબાણ કરી રહ્યા છે. એવા પણ કિસ્સા બન્યા હતા કે એપાર્ટમેન્ટની નીચે પાર્કિંગમાં રાખેલી ગાડીઓ પૂરી પાણીમાં ગરકાવ થઈ ગઈ હતી. જેથી વાહનોમાં ગાડીનું ટોટલ લોસ, લોક સિસ્ટમ બંધ થઈ જવી, ECM ફેઇલ, વાયરિંગમાં શોર્ટ સર્કિટ, એન્જિન ફેઇલ સુધીના પ્રોબ્લેમ સાથે લોકો કાર ગેરજમાં મૂકવા આવી રહ્યા છે.

કાર જો પાણીમાં ડૂબી જાય છે તો શું કરશો ?

• પાર્ક કરેલી કાર વરસાદી પાણીમાં ડૂબી જાય છે તો પાણી સુકાઈ જાય ત્યાં સુધી કારની વાયરિંગથી જોડાયેલા કોઈપણ ભાગ સાથે છેડછાડ ન કરો
• જો તમારી કાર વધુ સમય સુધી પાણીમાં રહી છે તો તેને સ્ટાર્ટ ન કરો
• મિકેનિકને કાર બતાવો અને તે તપાસ કર્યા બાદ જ સ્ટાર્ટ કરો
• કારની સંપૂર્ણ રીતે સર્વિસ કરાવો
• સર્વિસ દરમિયાન પેટ્રોલ સિસ્ટમ, વાયરિંગ, બેટરી સહિત ઇલેક્ટ્રિકથી જોડાયેલા તમામ ભાગોને ચેક કરાવો
• સારી રીતે સર્વિસ થયા બાદ કારનો ફરી વખત ઉપયોગ કરો

 

સગવડ હોય ત્યાં સુધી ભારે વરસાદની આગાહી બાદ વાહનને અંડરગ્રાઉન્ડ પાર્કિંગમાં ન રાખવું, કારના કાચ અને દરવાજા બંધ રાખવા તેમજ રસ્તા પર જ્યાં ગાડીના બોનેટથી ઉપર પાણી ભરાયું તે રસ્તા પર ગાડી ન હંકારતા વ્યવસ્થિત જગ્યાએ પાર્ક કરી અથવા તો અન્ય રસ્તા પર પસાર થઈએ તો મસમોટા સર્વિસ ખર્ચથી બચી શકાશે.