અમદાવાદ / ડોમેસ્ટિક ટર્મિનલ સીલ થવાના ડરથી એરપોર્ટ ઑથોરિટી 4 વર્ષનો બાકી ટેક્સ ચૂકવવા તૈયાર

• 2015-16થી બાકી છે એરપોર્ટનું પ્રોપર્ટી ટેક્સ 
• અમદાવાદ એરપોર્ટે બાકી 3.30 કરોડ પ્રોપર્ટી ટેક્સમાંથી 1.40 કરોડ તાત્કાલિક ચૂકવશે 
• કેન્ટોન્મેન્ટ બોર્ડ અને એરપોર્ટ ઑથોરિટી વચ્ચે યોજાઈ બેઠક 

એરપોર્ટ સીલ કરી દેવાની ધમકી આપતાં જ સફાળાં જાગી એરપોર્ટ ઑથોરિટી

અમદાવાદ એરપોર્ટ ઑથોરિટી દ્વારા હવે બાકીના પ્રોપર્ટી ટેક્સને ચૂકવવાનો નિર્ણય લીધો છે. જેમાં હાલ એરપોર્ટ 1.40 કરોડ રૂપિયાનો ટેક્સ ચૂકવવા તૈયાર થયું છે. ઉલ્લેખનીય છે કે અમદાવાદ એરપોર્ટના વર્ષ 2015-16થી તેનો પ્રોપર્ટી ટેક્સ ચૂકવવાનો બાકી છે. 

કેન્ટોન્મેન્ટ બોર્ડ દ્વારા ફટકારવામાં આવી નોટિસ

નોંધનીય છે કે, છેલ્લ્લા 4 વર્ષના વ્યાજ સાથે 3.36 કરોડનો પ્રોપર્ટી ટેક્સ ભરપાઈ ન થતા અમદાવાદ કેન્ટોન્મેન્ટ બોર્ડ દ્વારા નોટિસ ફટકારવામાં આવી હતી. નોટિસમાં જો ઑથોરિટી દ્વારા ટેક્સ નહિ ભરાય તો ડોમેસ્ટિક ટર્મિનલ સીલ કરવાનો ઉલ્લેખ કરવામાં આવતા એરપોર્ટ તંત્રે તરત જ પ્રક્રિયા આપી અને કુલ ટેક્સમાંથી 1.40 કરોડનો ટેક્સ તરત જ ભરાઈ દેવાની તૈયારી દર્શાવી હતી. 

1.40 કરોડ અને બાકીની રકમ ચૂકવવા એરપોર્ટ ઑથોરિટી તૈયાર

નોટિસ ફટકાર્યા બાદ અમદાવાદ એરપોર્ટ અને અમદાવાદ આર્મી કેન્ટોન્મેન્ટ બોર્ડ વચ્ચે બેઠક યોજાઈ હતી. જેમાં હાલ 1.40 કરોડ અને બાકીની રકમ આગામી સમયમાં ચૂકવાશે. અમદાવાદ આર્મી કેંટોન્મેન્ટ બોર્ડ મેમ્બર ભરતસિંહે જણાવ્યું કે' એરપોર્ટના બાકી ટેક્સ મુદ્દે અમદાવાદ એરપોર્ટ ઑથોરિટી સાથે બેઠક થઇ છે જેમાં હાલ 1.40 કરોડ અને બાકીના આગામી સમયમાં ટેક્સ ચૂકવાશે તેવો નિર્ણય લેવાયેલ છે.'