તાલિબાની ક્રૂરતા / મહિલાઓ માટે નર્ક બન્યું અફઘાનિસ્તાન, નવ વર્ષની દીકરી સાથે પિતાએ જે કર્યું એ વાંચીને કાંપી ઊઠશો

• અફઘાનિસ્તાનમાં છોકરીઓને વેચવાની પરંપરા ફરી શરૂ થઈ
• આર્થિક સ્થિતિ એટલી ખરાબ છે કે, લોકો ભૂખથી પીડાઈ રહ્યાં છે. 
• બેંકો પાસે રોકડ ખતમ થઈ ગઈ છે

અફઘાનિસ્તાનમાં છોકરીઓને વેચવાની પરંપરા ફરી શરૂ થઈ

તાલિબાન શાસન પછી અફઘાનિસ્તાનની હાલત ખુબ ખરાબ થઈ રહી છે. અહીંની આર્થિક સ્થિતિ એટલી ખરાબ છે કે, લોકો ભૂખથી પીડાઈ રહ્યાં છે. બેંકો પાસે રોકડ ખતમ થઈ ગઈ છે. તાલિબાન સરકાર પાસે પણ કોઈ ભંડોળ બય્યું નથી. ધંધા-રોજગાર ઠપ્પ છે. અને સામાન્ય જનજીવન ઠપ્પ થઈ ગયું છે. દરમિયાન, અફઘાનિસ્તાનથી આવા સમાચાર સામે આવ્યા છે, જે કોઈના પણ રૂવાંડા ઉભા કરવા માટે પૂરતા છે. હકીકતમાં અફઘાનિસ્તાનમાં એક પિતાને તેના પરિવારનું ભરણ પોષણ કરવા અને જીવિત રાખવા માટે તેની નવ વર્ષની પુત્રીને વેચવાની ફરજ પડી હતી. 

આ પહેલા એક દીકરીને વેચી દીધી છે 

પ્રાપ્ત માહિતી અનુસાર 9 વર્ષની પરવાના મલિકના પિતા અબ્દુલ મલિકે તેને 55 વર્ષના આધેડને વેચી દીધી હતી. તેની એક જ મજબૂરી હતી કે તેની પાસે પરિવારની સંભાળ રાખવા માટે પૈસા બચ્યા ન હતા. એક મીડિયા રિપોટ અનુસાર, 55 વર્ષીય કુરબાને ગયા મહિને તેની 9 વર્ષની દીકરી પરવાના માટે સોદો કર્યો હતો. મીડિયા સાથે વાત કરતા અબ્દુલ મલિક કહે છે કે તેના પરિવારમાં આઠ લોકો છે. બધા ભૂતકાળમાં કેમ્પમાં રહેતા હતા, પરંતુ તાલિબાન શાસનથી તેમની નોકરીઓ ગુમાવી દીધી છે. પરિવારનું ભરણપોષણ કરવા માટે તેણે પહેલા તેની 12 વર્ષની પુત્રીને વેચી દીધી હતી, હવે તેણે 9 વર્ષની બાળકીનો પણ સૌદો કરવો પડ્યો  

શિક્ષક બનાવા માંગતી હતી પરવાના 

પરવાનાના પિતા અબ્દુલ મલિકનું કહેવું છે કે, પરવાના મોટી થઈને શિક્ષક બનાવ માંગતી હતી. પરંતુ પરિવારની આર્થિક સ્થિતિના કારણે તેની સાથે આવું થયું. પરવાના પિતાએ કહ્યું કે તેની પુત્રીને  અફઘાન રૂપિયામાં સોદો નક્કી થયો હતો. અને ડીલ ફાઈનલ થયાના બે દિવસ બાદ કુરબાનાએ આવીને પૈસા ચૂક્વ્યા પરવાના પોતાની સાથે લઈને જતો રહ્યો. મહત્વનું છે કે, તાજેતરમાં આવો જ એક કિસ્સો પડોશી ગોર પ્રાંતમાં પણ સામે આવ્યો હતો. જ્યાં 10 વર્ષના માગુલ અને 70 વર્ષના વૃદ્ધ વચ્ચે સોદો થયો હતો.