AFG Football / હાર પચાવી ન શક્યા અફઘાની ખેલાડીઓ: મેદાનમાં જ ભારતીય ખેલાડીઓ સાથે કરી મારપીટ, VIDEO વાયરલ

• ફુટબોલ કપમાં ભારતીય ટીમની જીત
• અફઘાનિસ્તાનની ટીમ હાર પચાવી શકી નહીં
• ભારતીય ખેલાડી સાથે મારપીટ પર ઉતરી આવ્યા

AFC એશિયન કપ ક્વોલિફાયરના ત્રીજા રાઉન્ડમાં ભારતીય ફુટલોબ ટીમની જીતનો સિલસિલો ચાલું છે. શનિવારે કલકત્તાના સોલ્ટ લેક સ્ટેડિયમમાં આયોજીત ટૂર્નામેન્ટમાં ભારતે અફઘાનિસ્તાનને 2-1થી માત આપી હતી. ભારત તરફથી આ ટૂર્નામેન્ટચમાં કેપ્ટન સુનીલ છેત્રી અને સહલ અબ્દુલ સમદે ગોલ કર્યા હતા.

આ પહેલા ભારતે કંબોડિયાને 2-0થી હરાવ્યું હતું. આ જીત બાદ, ઇગોર સ્ટીમેકની ટીમ મેન્સ AFC એશિયન કપ ક્વોલિફાયર્સના ત્રીજા રાઉન્ડની તેની આગામી મેચમાં હોંગકોંગ સામે ટકરાશે.

બીજી તરફ ભારત સામેની મેચ હાર્યા બાદ અફઘાનિસ્તાનના ખેલાડીઓ પોતાના પર કાબૂ રાખી શક્યા નહોતા અને તેઓ ભારતીય ખેલાડીઓ સાથે મારપીટ પર ઉતરી આવ્યા હતા. સોશિયલ મીડિયા પર વાયરલ થઈ રહેલા એક વીડિયોમાં અફઘાનિસ્તાનના 3 ખેલાડીઓ અને ભારતીય ટીમના 2 ખેલાડીઓ ઝપાઝપી કરતા જોઈ શકાય છે.

India vs Afghanistan Fight 🔥🔥#IndianFootball #ISL #BlueTigers pic.twitter.com/jlvU1P8CKe

— Navaneed M 🏳️‍🌈 (@mattathil777777) June 12, 2022

ભારતના સ્ટાર ગોલકીપર ગુરપ્રીત સિંહ મામલાને શાંત પાડવા માટે આગળ આવે છે, પરંતુ અફઘાનિસ્તાનના ખેલાડીઓએ તેને પ્રેશર કરી દબાવાની કોશિશ કરતા દેખાઈ રહ્યા છે. જે બાદ AFC અધિકારીઓ મેદાન પર ખેલાડીઓને શાંત કરવાનો પ્રયાસ કરે છે.

જાન્યુઆરી 2016 બાદ અફઘાનિસ્તાન સામે ભારતીય ટીમનો આ પ્રથમ વિજય હતો. આ પહેલા છેલ્લા બે મોકા પર અફઘાનિસ્તાનની ટીમ બે વખત ભારતને બરાબરી પર રોકવામાં સફળ રહી હતી. એકંદરે, ભારતીય ટીમે અફઘાનિસ્તાન સામે 11 મેચ રમી છે, જેમાં તેણે સાતમાં જીત અને એકમાં હારનો સામનો કરવો પડ્યો છે.

અફઘાનિસ્તાન સામે ગોલ કર્યા બાદ ભારતીય કેપ્ટન સુનીલ છેત્રીએ હવે 128 આંતરરાષ્ટ્રીય મેચોમાં 82 ગોલ કર્યા છે. એક્ટિવ ફૂટબોલરોમાં માત્ર ક્રિસ્ટિયાનો રોનાલ્ડો (પોર્ટુગલ) અને લિયોનેલ મેસ્સી (આર્જેન્ટિના) છેત્રીથી આગળ છે. રોનાલ્ડોએ 189 મેચોમાં 117 ગોલ કર્યા છે.