હેવાનિયત / રાજકોટ: 3 રાક્ષસોએ 8 વર્ષની બાળકી સાથે આચર્યું દુષ્કર્મ, બૂમાબૂમ કરતા પથ્થરના ઘા મારી પતાવી દીધી!, કેસમાં 3 આરોપીની ધરપકડ

• રાજકોટમાં 8 વર્ષની બાળકી સાથે સામૂહિક દુષ્કર્મ
• 3 આરોપીની પોલીસે કરી ધરપકડ
• નશાની હાલતમાં દુષ્કર્મ આચર્યું હતું

રાજકોટમાં 8 વર્ષની બાળકીની હત્યા કેસમાં 3 આરોપીની ધરપકડ કરવામાં આવી છે. ત્રણેય આરોપીઓએ બાળકી સાથે સામુહિક દુષ્કર્મ આચર્યું હતું. આરોપીઓએ નશાની હાલતમાં દુષ્કર્મ આચર્યું હોવાનું ખુલ્યું છે, બાળકીએ બૂમાબૂમ કરતા આરોપીઓએ બાળકીની પથ્થરના ઘા મારી હત્યા કરી હોવાનું કબૂલ્યું છે. 

JCP વિધિ ચૌધરીનું નિવેદન
જે સી પી વિધિએ જણાવ્યું કે, પોલીસે આરોપી મિતલેશ રામનારાયણ, ભરત મીણા, અમરેશ કુલદીપની ધરપકડ કરી છે. આ તમામ આરોપીઓ વિરુદ્ધ સામૂહિક દુષ્કર્મની પણ કલમો ઉમેરાશે. રાજસ્થાન, વિરમગામ અને રાજકોટથી 3 આરોપીઓ ઝડપાયા છે. જેમાં એક આરોપી બાળકીના પિતાનો મિત્ર હોવાનું પણ ખૂલ્યું છે. અત્રે જણાવીએ કે, આરોપીઓ રાજકોટના કારખાનામાં કામ કરી છૂટક મજૂરી કરતા હતા. 

'અપહરણના ગુનામાં ગેંગરેપ, મર્ડર સહિતની કલમ ઉમેરાશે'
જે સી પીએ કહ્યું કે. માલવીયા નગર પોલીસ મથકમાં સમગ્ર મામલે ફરિયાદ નોંધાઈ હતી. દાખલ થયેલા અપહરણના ગુનામાં ગેંગરેપ, મર્ડર સહિતની કલમ ઉમેરાશે. જે કલમનો ઉમેરો કરવા કોર્ટમાં રિપોર્ટ કરવામાં આવશે