- ઘરમાં નકારાત્મક ઉર્જાને દૂર કરે છે મોરપીંછ
- મોરપીંછને ઘરમાં સાચી દિશામાં રાખવામાં આવે તો થાય છે અનેક લાભ
- તીજોરીમાં મોરપીંછને વીંટીને રાખવાથી આર્થિક સ્થિતિ બને છે મજબૂત
વાસ્તુશાસ્ત્ર અને જ્યોતિષશાસ્ત્ર જીવનમાં આવતી સમસ્યાઓને ઉકેલવામાં મદદરૂપ થઈ શકે છે. જેનું અનુશરણ કરવાથી અમુક સમસ્યાઓમાંથી છુટકારો મેળવી શકાય છે. ત્યારે પ્રકૃતિમાં રહેલી ઘણી એવી વસ્તુઓ છે જેનાથી જીવનમાં આવતી સમસ્યાઓ દૂર થઈ શકે છે એટલું જ નહીં ઘરની તરક્કી પણ વધવા લાગે છે અને કુંડળીમાં રાહુના નકારાત્મક પ્રભાવને પણ ઓછો કરી શકાય છે. આવી વસ્તુઓમાં મોરપીંછનો પણ સમાવેશ થાય છે. આ મોરપીંછને ઘરમાં સાચી દિશામાં રાખવામાં આવે તો અનેક લાભ પ્રાપ્ત થઈ શકે છે. ત્યારે આવો જાણીએ નિષ્ણાંતોનો મત!
ક્યારેય આર્થિક કટોકટી અનુભવાતી નથી
વાસ્તુશાસ્ત્ર અનુસાર જે લોકોના ઘરમાં મોરપીંછ હોય તે લોકોના ઘરમાં ફેલાયેલી નકારાત્મક ઊર્જા ધીમે ધીમે દૂર થાય છે અને સકારાત્મકતાના પ્રાણ પુરાય છે. એટલું જ નહીં સંપત્તિમાં પણ વધારો થઈ શકે તેઓ પણ દાવો કરાઈ રહ્યો છે. પરંતુ મોરપીંછને યોગ્ય દિશામાં રાખવું ખૂબ જ જરૂરી છે કારણ કે તેનાથી જ આ પ્રકારના ફાયદા મળી શકે છે. જો તમે ધન મેળવવા ઇચ્છતા હોય તો ઘરની દક્ષિણ દિશામાં તિજોરીમાં મોરપીંછને રાખવું જોઈએ. તેના કારણે ઘરમાં ક્યારેય આર્થિક કટોકટી અનુભવાતી નથી. આ ઉપરાંત ઘરની તીજોરીમાં રેશમી કપડામાં મોરપીંછને વીંટીને રાખવાથી આર્થિક સ્થિતિ મજબૂત બની શકે છે.
કુંડળીમાંથી રાહુ દોષ પણ દૂર થાય છે
વાસ્તુશાસ્ત્ર અનુસાર જો તમે પૂજા ઘરમાં મોરપીંછ રાખો તો નાહકના ખર્ચામાંથી છુટકારો મળી શકે છે અને ધનમાં વૃદ્ધિ થાય છે. એટલું જ નહીં જે ઘરમાં મોરપીંછ હોય તે ઘરમાં ધનની દેવી મા લક્ષ્મી અને વિદ્યાની દેવી મા સરસ્વતી પ્રસન્ન થઈ તે ઘરમાં વાસ કરે તેવું પણ કહેવાય છે. વધુમાં કુંડળીમાંથી રાહુ દોષ પણ દૂર થાય છે.
(DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)
