સાબરકાંઠાઃ હિંમતનગર-શામળાજી હાઈવે પાસે અકસ્માતની ઘટના સામે આવી છે. અકસ્માતના લાઈવ દ્રશ્યો કેમેરામાં કેદ થયા છે. વીડિયોમાં ટેમ્પો ચાલક પુર ઝડપી આવતો દેખાઈ રહ્યો છે. ઓવરટેક કરતા સમયે સ્ટેરિંગ પર કાબુ ગુમાવતા ટેમ્પો ડિવાઈડર પર ચડ્યો હતો. ડિવાઈડર પર ટેમ્પો ચડ્યા બાદ ટેમ્પોએ ગાડીને ટક્કર મારી હતી. જોકે આ ઘટનામાં કોઈ જનહાની થઈ ન હતી.
આપ વીડિયોમાં જોઇ શકો છો કે રોડ પર આગળ એક કાર અને પાછળ પુરપાટ ઝડપે એક ટેમ્પો આવતો દેખાય છે. વરસાદના કારણે રોડ પર પાણી ભરેલા નજરે પડે છે. ત્યારે ઝડપથી ઓવરટેક કરવાની લ્હાયમાં ટેમ્પો બેકાબુ થઇને ડિવાયઇડર પર ચડી જાય છે.
ત્યારબાદ ફરી રોડ પર ટેમ્પો આવે છે અને કારને જોરદાર ટક્કર મારે છે જેનાથી કારની દિશા પણ બદલી જાય છે. જ્યારે ટેમ્પો રોડ પર આવેલ દુકાનમાં ઘુસતા ઘુસતા બચી જાય છે. આ ઘટના બાદ અનેક સવાલો થાય છે કે આટલી ઉતાવળ કેમ? આમ ઓવરટેક કરવાની શું હતી જરૂર? આવી ઝડપ ભારે પડશે આવી રીતે ઓવરટેક ન કરો!