બોલિવૂડના મિસ્ટર પરફેક્શનિસ્ટ આમિર ખાને પત્ની કિરણ રાવ સાથે ડિવોર્સની જાહેરાત કરી હતી. જે બાદ ઘણી અટકળો લગાવવામાં આવી રહી છે. જોકે, હવે આમિર અને કિરણે જોઈન્ટ સ્ટેટમેન્ટ જારી કર્યો છે. જોઈ લો વીડિયો.
આમિર ખાને પત્ની કિરણ રાવ સાથે ડિવોર્સની જાહેરાત કરી
આમિર અને કિરણે જોઈન્ટ સ્ટેટમેન્ટ જારી કર્યો
બંનેએ એકબીજાનો હાથ પકડી કહી આ વાત
તમને જણાવી દઈએ કે, આમિર અને કિરણે એક જોઇન્ટ સ્ટેટમેન્ટ જાહેર કર્યું છે જેમાં તેમણે જણાવ્યું છે કે તેઓ એકબીજાની સંમતિથી અલગ થઈ રહ્યાં છે. પણ અલગ થયા બાદ તેઓ એક મિત્ર અને પરિવારની જેમ રહેશે. શનિવારે ડિવોર્સની જાહેરાત બાદ આમિર ખાન અને કિરણ રાવ ચાહકો માટે એક વીડિયો મેસેજ આપવા એકસાથે આવ્યા છે. પૂર્વ પતિ પત્નીએ હાથમાં હાથ નાખીને તમામ ફેન્સને આશ્વાસન આપ્યું છે કે, આજે પણ તેઓ એક જ પરિવારનો ભાગ છે.
શેર કરવામાં આવેલાં વીડિયોમાં આમિર ખાન અને કિરણ રાવ એકબીજાનો હાથ પકડીને બેઠા છે અને તેમના ફેન્સને સંબોધિત કરતાં કહે છે કે, 'તમને લોકોને દુઃખ પણ થયું હશે. સારુ નહીં લાગ્યું હોય, આંચકો લાગ્યો હશે. અમે બસ તમને એટલું જ કહેવાં માંગી છીએ કે, અમે બંને ખૂબ જ ખુશ છીએ અને અને અમારો એક જ પરિવાર છે. અમારા સંબંધમાં બદલાવ આવ્યો છે પણ અમે લોકો એકબીજાની સાથે જ છીએ. તમે લોકો એવું ક્યારેય ન વિચારતા કે અમે એકબીજાથી દૂર છીએ.'
આમિર ખાને કહ્યું કે, તે અને કિરણ તેમના નોન-પ્રોફિટ ફાઉન્ડેશનને તેમનાં બાળક જેવું માને છે. તેણે કહ્યું કે, 'પાની ફાઉન્ડેઝશન અમારા માટે આઝાદ જેવું છે. જે આમારું બાળક છે. જેમ આઝાદ તેમ પાની ફાઉન્ડેશન. તો અમે લોકો હમેશાં ફેમિલી રહીશું. અમારા માટે તમે લોકો દુઆ કરો. પ્રાર્થના કરો કે અમે ખુશ રહીએ. બસ આટલું જ કહેવું છે અમારે. '
તમને જણાવી દઇએ કે, આમિર ખાન અને કિરણ રાવના લગ્ન વર્ષ 2005માં થયા હતા. તેમના લગ્નના 15 વર્ષ બાદ તેમણે અલગ થવાનો નિર્ણય લીધો છે. તેમને એક દીકરો આઝાદ છે જેની ઉંમર 9 વર્ષ છે. 3 જૂનના રોજ એક જોઇન્ટ સ્ટેટમેન્ટ જાહેરી કરી તેમણે છૂટાછેડાની જાહેરાત કરી હતી.