- રાજકોટમાં બે વર્ષની બાળકી સાથે સૃષ્ટિ વિરુદ્ધનું કૃત્ય
- બાળકીના કૌટુંબિક સગાએ બાળકી સાથે કર્યુ કૃત્ય
- બાળકીની માતાએ નોંધાવી પોલીસ સ્ટેશનમા ફરિયાદ
rajkot news : રાજકોટમાં બે વર્ષની બાળકી સાથે સૃષ્ટિ વિરુદ્ધનું કૃત્ય થયાની ઘટના પ્રકાશમાં આવી છે. પાપ્ત વિગતો મુજબ લોકમેળામાં 2 વર્ષની બાળા સાથે તેના કૌટુંબિક સગા દ્વારા સૃષ્ટિ વિરુદ્ધનું કૃત્ય કરાયું છે. સમગ્ર ઘટનાની જાણ બાળકીની માતાને થતાં તેમણે પોલીસ ફરિયાદ નોંધાવી છે. પ્રગતિનગર પોલીસે ફરિયાદ નોંધી કાર્યવાહી હાથ ધરી છે.
માસુમ બાળકી પર સૃષ્ટી વિરૂદ્ધનું કૃત્યુ કરાયું
કૌટુંબિક સગા દ્વારા બે વર્ષની માસુમ બાળકી પર સૃષ્ટી વિરૂદ્ધનું કૃત્યુ કરાયું છે. બાળકીને લોકમેળામાં કોઈ જગ્યાએ લઈ જઈ આ નરાધમે કૃત્યુ કર્યુ હતુ. બાળકીના ગુપ્તાંગના ભાગે લોહી નીકળતા સારવાર અર્થે હોસ્પિટલ ખાતે ખસેડવામાં આવી હતી. ભોગ બનનાર પરિવાર મૂળ ઉતરપ્રદેશના હોવાનું સામે આવ્યું છે. પરિવાર રાજકોટના કારખાનામાં મજૂરી કામ કરી પોતાનું ગુજરાન ચલાવે છે. પોલીસે આઇ.પી.સી. કલમ- 376 (ક-ખ) તથા પોકસો કલમ-4, 6 મુજબ ગુનો નોંધી વધુ તપાસ હાથ ધરી છે.
પોલીસે ફરિયાદ નોંધી તપાસ હાથ ધરી
ફરિયાદમાં જણાવ્યા અનુસાર ફરીયાદી પોતાની સગીર વયની દિકરીને લઇને પોતાના સગા સંબંધી સાથે રાજકોટ રેસકોર્ષ ગ્રાઉન્ડ લોકમેળામાં ફરવા આવ્યો હતો. તે દરમ્યાન ફરીયાદી તથા તેની સાથે આવેલા તેમના સગાસંબંધીઓને મેળામાં ચકડોળમાં બેસવુ હોવાથી ફરીયાદીએ પોતાની બે વર્ષની બાળકીને તેમની સાથે મેળામાં ફરવા આવેલ તેમના સગા અને આરોપીને પોતાની બાળકી સાચવવા આપતા ફરીયાદી તથા તેની સાથે આવેલ માણસો ચકડોળમાં બેસવા જતા આરોપીએ કોઇ જગ્યાએ લઇ જઇ બાળકી જાતિય હુમલો કરી બાળકીના ગુપ્ત ભાગે ઇજા પહોંચાડી હતી
