શિવસેનાના બાગી નેતા એકનાથ શિંદેનો એક નવો વીડિયો સામે આવ્યો છે જેમાં તેમણે કહ્યું કે તેમને એક રાષ્ટ્રીય પાર્ટીનો ટેકો છે.
શિવસેનાના બાગી નેતા એકનાથ શિંદેનો મોટો દાવો
કહ્યું એક રાષ્ટ્રીય પાર્ટીએ આપી તમામ મદદની ખાતરી
એકનાથ શિંદેનો દાવો ભાજપ તરફ હોવાનો સંકેત
એકનાથ શિંદે રાષ્ટ્રીય પાર્ટીના કર્યા વખાણ
એકનાથ શિંદેનો એક નવો વીડિયો સામે આવ્યો છે, જેમાં તેઓ એવું કહેતા જોવા મળી રહ્યા છે કે એક રાષ્ટ્રીય પાર્ટી જે મહાસત્તા છે. તે પક્ષે મને કહ્યું છે કે તમે જે પણ નિર્ણય લીધો છે તે ઐતિહાસિક છે અને અમે ખાતરી કરી છે કે જે પણ મદદની જરૂર છે, તે કરવામાં આવશે.
ધારાસભ્યોએ એકનાથ શિંદેને નેતા ચૂંટી કાઢ્યા
શિંદે જૂથનો વધુ એક વીડિયો ગુવાહાટીથી સામે આવ્યો છે. આ વીડિયોમાં એકનાથ શિંદે બાગી ધારાસભ્યો સાથે વાત કરી રહ્યા છે. આ વીડિયોમાં મહારાષ્ટ્રના શિવસેનાના બાગી ધારાસભ્યોએ સર્વસંમતિથી એકનાથ શિંદેને પોતાના નેતા તરીકે ચૂંટી કાઢ્યા છે.
They (BJP) are a national party...They have told me that the decision which I have taken is historic, and whenever I need them they will be present: Rebel Shiv Sena MLA Eknath Shinde to the MLAs with him in Guwahati
અમને ભાજપનો ટેકો છે-શિંદે
વીડિયોમાં શિંદેએ ભાજપના વખાણ કર્યા છે. શિંદેએ ધારાસભ્યોને કહ્યું કે તેઓ (ભાજપ) એક રાષ્ટ્રીય પક્ષ છે. અમને તેમનો ટેકો છે. તેઓએ મને કહ્યું છે કે, મેં લીધેલા નિર્ણયો એતિહાસિક છે અને જ્યારે પણ મને જરૂર પડશે ત્યારે તેઓ ત્યાં જ રહેશે. આપણે એક સૈન્ય છીએ, અને આપણે સંગઠિત રહેવાનું છે. આપણી પાછળ એક મહાશક્તિ છે, જરૂર પડ્યે આ શક્તિ આપણને સાથ આપશે.
They (BJP) are a national party...They have told me that the decision which I have taken is historic, and whenever I need them they will be present: Rebel Shiv Sena MLA Eknath Shinde to the MLAs with him in Guwahati
મને એક રાષ્ટ્રીય પાર્ટીનો ટેકો
સર્જિકલ સ્ટ્રાઈકનું ઉદાહરણ ટાંકીને ભાજપના વખાણ કરતા એકનાથ શિંદેએ કહ્યું કે તેમને એક રાષ્ટ્રીય પક્ષનું સમર્થન છે અને મને કોઈ પણ ખોટ નહીં રહે તેવું આશ્વાસન આપ્યું છે. રાષ્ટ્રીય પક્ષે વચન આપ્યું છે કે જ્યાં જરૂર પડશે, તે પૂરી થશે. આપણું સુખ-દુઃખ એક જ છે, વિજય આપણો છે. જો કંઈ પણ થાય, તો અમે સાથે છીએ. નેશનલ પાર્ટી મહાસત્તા છે, તેમણે પાકિસ્તાનને હચમચાવી નાખ્યું હતું.
કોણે કર્યો સમર્થનનો દાવો
વીડિયો પર શિંદે જૂથના ચીફ વ્હીપ ભરત ગોગાવલેએ કહ્યું કે, દેશ માટે બલિદાન આપવાની વાત થઇ રહી છે. અમે એકનાથ શિંદેના નિર્ણયને માન્ય રાખીએ છીએ. વીડિયોમાં શિંદેએ દાવો કર્યો હતો કે તેમને 49 ધારાસભ્યોનું સમર્થન મળ્યું છે. તેમની સાથે શિવસેનાના 42 ધારાસભ્યો અને સાત અપક્ષ છે.