તવાઈ / ચાઈનીઝ દોરી વહેંચી તો ગયા સમજો!, બાલાસિનોર GIDCના ગોડાઉનમાંથી ઝડપાયો મોટો જથ્થો

• મહીસાગરમાં ચાઇનીઝ દોરીને લઇને પોલીસે કરી કાર્યવાહી
• બાલાસિનોર GIDCમાંથી ચાઇનીઝ દોરીનો મોટો જથ્થો મળ્યો
• બાલાસિનોર પોલીસે ચાઇનીઝ દોરીના જથ્થાની ગણતરી કરી ચાલુ

ઉત્તરાયણના તહેવારને હવે ગણતરીના દિવસો બાકી છે ત્યારે લોકો પતંગ દોરીની ખરીદીમાં મશગુલ બન્યા છે.  બજારમાં ચાઈનીઝ દોરી પર  પ્રતિબંધ હોવા છતા ઘણા વેપારીઓ ચાઈનીઝ દોરી લાવી માર્કેટમાં વેચી રહ્યા છે. ચાઈનીઝ દોરીના કારણે ઘણા લોકોએ જીવ પણ ગુમાવવાનો વારો આવ્યો છે.  મહિસાગરમાં પોલીસે ચાઈનીઝ દોરીના વેપારીઓ સામે કાર્યવાહિ હાથ ધરી છે. ત્યારે બાલાસિનોર  GIDCમાંથી ચાઈનીઝ દોરીનો મોટો જથ્થો મળ્યો છે.

રેડમાં અલગ-અલગ બ્રાન્ડની ચાઈનીઝ દોરીનો જથ્થો જપ્ત કર્યો
પોલીસ દ્વારા  મહિસાગર જીલ્લામા ચાઈનીઝ દોરી વેચતા લોકો સામે લાલ આંખ કરી છે.  જેને લઈને વેપારીઓમાં ફફડાય વ્યાપી જવા પામ્યો છે. પોલીસ દ્વારા કરવામાં આવેલ રેડમાં અલગ-અલગ બ્રાન્ડની ચાઈનીઝ દોરીનો જથ્થો જપ્ત કરવામાં આવ્યો છે. આટલા મોટા પ્રમાણમાં ચાઈનીઝ દોરીનો જથ્થો મળી આવતા અનેક તર્ક વિતર્ક જોવા મળી રહ્યા છે.

આટલા મોટા પ્રમાણમાં ચાઈનીઝ દોરીના જથ્થ ઝડપાતા પોલીસ દ્વારા તે દિશમાં ચક્રગતિમાન કર્યા છે કે આટલો મોટા ચાઈનીઝ દોરીના જથ્થો આવ્યો ક્યાંથી ત્યારે બાલાસિનોર પોલીસ દ્વારા ચાઈનીઝ દોરીનાં જથ્થાની ગણતરી કરી ગુનો નોંધી આગળની કાર્યવાહિ હાથ ધરી છે.

રાજકોટમાં પણ ચાઈનીઝી દોરીનાં જથ્થા સાથે એકની અટકાયત
રાજકોટમાં પ્રતિબંધિત ચાઈનીઝી વેચાતી હોવાની એલસીબી ઝોન-2 ને માહિતી મળતા પોલીસે તપાસ હાથ ધરી હતી. જેમાં ખત્રીવાડ વિસ્તારમાંથી ચાઈનીઝ દોરીનું ગોડાઉન ઝડપાયું હતું.  ત્યારે પોલીસે રૂ.64 હજારથી વધુની દોરીનો જથ્થો કબ્જે કર્યો છે. ચાઈનીઝ દોરીના 217 રીલ સાથે મેહુલ કેસરીયા નામના શખ્સની અટકાયત કરી છે. 

વડોદરામાં ચાઇનીઝ દોરીના કારણે વધુ એક યુવાને ગુમાવ્યો જીવ 
વડોદરામાં ચાઇનીઝ દોરીના કારણે વધુ એક યુવાને જીવ ગુમાવ્યો છે. રણોલીમાં રહેતા યુવકનું ચાઇનીઝ દોરીથી ગળું કપાતા મૃત્યુ થયો છે. સમા કેનાલ રોડ પર યુવક બાઈક પર જતો હતો તે સમયે બની આ દુર્ઘટના બની હતી. વિશાલ ઠાકોર નામના યુવાનનું ચાઇનીઝ દોરીથી ગળું કપાઈ જતાં મોત થતા સમગ્ર પંથકમાં ચકચાર મચી જવા પામ્યું છે. બે દિવસ પહેલા પણ નવાપુરામાં ચાઇનીઝ દોરીના કારણે હોકી પ્લેયરનું મોત થયું હતું

સુરતના યુવાને જીવ ગુમાવ્યો
સુરતના કામરેજમાં પતંગની દોરીના કારણે શ્રમજીવી યુવક રાજુ પટેલનું ગળુ કપાઈ જતા તેનું મૃત્યુ થયુ હતું. કામરેજ ચાર રસ્તા પાસેથી પસાર થતા સમયે પંતગની દોરીથી યુવકનું ગળુ કપાયુ હતુ. જેથી યુવકને ગળાના ભાગે ગંભિર ઈજાઓ થતા તેનું ઘટના સ્થળે જ મૃત્યુ થયુ હતુ. મૃતક રાજુ પટેલ લુમ્સના કારખાનામાં કામ કરતો હતો બીજી તરફ પતંગની દોરીના કારણે એક બાઈક ચાલકને પણ ગંભીર અકસ્માત નડ્યો હતો. ઘટનાને પગલે તંત્ર પર સવાલ ઉઠી રહ્યા છે કેમકે પ્રતિબંધ હોવા છતાં ચાઇનીઝ દોરીનું વેચાણ કેવી રીતે થઈ રહ્યુ છે ?

અમદાવાદમાં ચાઈનીઝ દોરીથી એક કિશોર ઈજાગ્રસ્ત
અમદાવાદમાં ચાઈનીઝ દોરીથી એક કિશોર ઈજાગ્રસ્ત થયો હતો. ગળાના ભાગે દોરી વાગતા કિશોરને થઇ ઇજા પહોંચી છે. ટુ વ્હીલર પર આગળ કિશોર બેઠો હતો. જમાલપુર રિવરફ્રન્ટ રોડથી પસાર થતી વખતે આ દૂર્ઘટના સર્જાઈ છે. ઉત્તરાયણ નજીક આવતા જ દોરી વાગવાના કિસ્સાઓ વધી રહ્યાં છે. ચાઈનીઝ દોરી લોકો માટે જીવલેણ બની છે.