ભંગનો રંગ / ગુજરાત કોંગ્રેસ પ્રમુખ માટે થોડા કોઈ કોરોનાના નિયમ હોય ? એ તો સતા પક્ષ માટે જ છે ને, જુઓ તો ખરા જગદીશ ઠાકોર કેવા નાચ્યા

• કોવિડ ગાઈડ લાઈન માત્ર જનતા પૂરતી જ ?
• કલાકારો કે નેતાઓ માટે કોઈ નિયમ જ નથી 
• કોંગ્રેસ પ્રમુખ જગદીશ ઠાકોરે જ કર્યો ઉલાળિયો 

રાજ્યમાં કોવિડ ગાઈડ લાઈન અને સામૂહિક કાર્યક્રમોને વાર-તહેવારે વખોડતી કોન્ગ્રેસનાં પ્રમુખ જ જ્યારે  કોરોનાના નિયમોને શિયાળાના 'હૂફાળા તડકે'મૂકી દેતા હોય ત્યારે, અન્યોને તો શું કહેવું ? તેવો ઘાટ ઘડાયો છે. અમદાવાદમાં કૌટુંબિક લગ્ન સમારોહમાં ઉપસ્થિત રહેલા ગુજરાત કોંગ્રેસનાં પ્રમુખ જગદીશ ઠાકોર સહિતના અન્ય નેતાઓએ સામાજિક અંતર અને માસ્કના નિયમોનો સરેઆમ ભંગ કર્યો હતો. સમગ્ર ઘટનાનો વીડિયો સોશિયલ મીડિયામાં વાયરલ થયો છે. આ જ પરિણામે રાજ્યમાં સત્તા પક્ષ હોય કે વિપક્ષ, પોલીસ માત્ર સામાન્ય નાગરિકોને હેરાન કરતી હોવાની લાગણી વ્યાપી ગઈ છે. રાજ્યમાં છેલ્લા એક મહિનામાં થયેલા રાજકીય કે સામાજિક કાર્યક્રમો પર નજર નાખશો તો ખ્યાલ આવશે કે, આવા નિયમ ભંગ કાર્યક્રમોમાં કોઈ નેતા સામે કાયદેસર કાર્યવાહી  નથી નોંધાઈ.

તો બીજી તરફ, સુરેન્દ્રનગરમાં લગ્ન પ્રંસગે કોરોનાની ગાઇડ લાઇનનું ઉલ્લંઘન થતું જોવા મળ્યું હતું. ટીકટોક સ્ટાર કીર્તિ પટેલ અને લોક ગાયિકા  દિવ્યા ચૌધરી કોરોના ગાઈડ લાઈનનાં  ખુલ્લે આમ ધજાગરા ઉડાવ્યા હતા. આ લગ્ન પ્રસંગમાં અન્ય લોકો પણ માસ્ક વિના જોવા મળ્યા હતા