- સોના-ચાંદીના દાગીના બનાવવા ઇચ્છતા લોકો માટે એક રાહત
- સોના-ચાંદીના ભાવમાં ઘટાડો જોવા મળ્યો
- 24 કેરેટના 10 ગ્રામ સોનાના ભાવમાં 40 રૂપિયાનો ઘટાડો
સોના અને ચાંદીના દાગીના પહેરવાના મોટા ભાગના લોકો શોખીન હોય છે, ત્યારે સોના-ચાંદીના દાગીના બનાવવા ઇચ્છતા લોકો માટે એક રાહતના સમાચાર આવ્યા છે. જેમાં સોમવારે સોના-ચાંદીના ભાવમાં ઘટાડો જોવા મળ્યો છે. સોનાની કિંમતની વાત કરીએ તો 24 કેરેટના 10 ગ્રામ સોનાના ભાવમાં 40 રૂપિયાનો ઘટાડો આવ્યો છે, જે હાલ 60,070 રૂપિયાની આસપાસ પહોંચ્યો છે. અને 22 કેરેટના 10 ગ્રામ સોનાની કિંમત 55,070 રૂપિયા પર પહોંચ્યો છે.
કિલો ચાંદીનો ભાવ હાલ 73,500 રૂપિયા
બીજી બાજુ ચાંદીના ભાવમાં વધુ ફેરફાર થયો નથી. એક કિલો ચાંદીનો ભાવ હાલ 73,500 રૂપિયા પ્રતિ કિલોએ પહોંચ્યો છે. તમને જણાવી દઇએ કે છેલ્લા કેટલાક સમયથી સોના-ચાંદીના ભાવમાં સતત ઘટાડો જોવા મળી રહ્યો છે. ઇન્ટરનેશનલ માર્કેટમાં સોનાના ભાવમાં 0.09 ટકાનો ઘટાડો આવ્યો છે. જે હાલ 1969.20 ડોલર પ્રતિ ઓંસ છે. તો ચાંદીમાં 0.25 ટકાની તેજી સાથે 24.40 ડોલર પ્રતિ ઓંસ રહ્યો છે. આજે અમેરિકન કોંગ્રેસે યુએસ ફેડના ચેરમેન પોવેલની મીટિંગ છે. આ પ્રભાવ આવનારા દિવસોમાં સોના-ચાંદીની કિંમતમાં જોવા મળી શકે છે.
વાયદા બજારમાં સોનાની કિંમતમાં 9 રૂપિયાનો ઘટાડો
વાયદા બજારમાં સોનાની કિંમતમાં 9 રૂપિયાનો ઘટાડો જોવા મળ્યો છે. વાયદા બજારમાં 24 કેરેટના 10 ગ્રામ સોનાનો ભાવ 59,345 રૂપિયા છે અને એમસીએક્સ પર સોનાના લોટ્સનું ટર્નઓવર 13,744 સુધી રહ્યો છે. નિષ્ણાંતોનું કહેવું છે કે આજે નવી પોઝિશન ન બનવાને કારણે સોનાની કિંમતમાં વાયદામાં સામાન્ય ઘટાડો જોવા મળ્યો છે.
