બે આરોપી ઝડપાયા / ગઠિયાની હાથસફાઈ, સુરતી વેપારીને વાતોમાં રોકીને 1.18 કરોડનો અસલી હીરો હડપી લીધો, જુઓ કેવું દોડાવ્યું દિમાગ

• હીરાની લે-વેચમાં છેતરપિંડીનો મામલો
• હીરાના સોદામાં 1 કરોડ 18 લાખની ઠગાઇ
• ફેબ્રુઆરીમાં સુરતના વેપારીનો કર્યો હતો સંપર્ક

ગુજરાતના એક હિરા વ્યાપારીની સાછે રૂપિયા 1.18 કરોડની ઠગાઈ મામલે પોલીસે બે આરોપીઓની ધરપકડ કરી છે. ક્રાઈમ બ્રાન્ચના અધિકારીના જણાવ્યું મુજબ કે, ગુજરાત પોલીસે આ મામલે મુંબઈ પોલીસનો સંપર્ક કર્યો હતો, ત્યારબાદ કાર્યવાહી કરી આરોપીઓની ધરપકડ કરવામાં આવી છે.

મુંબઇથી બે આરોપીઓની કરાઇ ધરપકડ
આરોપીઓએ ગુજરાતના હીરાના વેપારી પાસેથી હીરા ખરીદવાના નામે છેતરપિંડી કરી હતી. જે વેપારીને જાણ થતાં તેણે ગુજરાત પોલીસમાં ફરિયાદ કરી હતી. ત્યારબાદ પશ્ચિમી ઉપનગરોમાં કાંદિવલી અને મધ્ય મુંબઈના લાલબાગ વિસ્તારમાંથી આરોપીઓને પકડવા માટે મુંબઈ પોલીસ સાથે સંમન્વય કરવામાં આવ્યું હતું.

 અસલી હીરાને પથ્થરમાં બદલી નાંખ્યા
પાપ્ત વિગત મુજબ બંને આરોપીઓએ કિંમતી પથ્થર ખરીદવા માટે ફેબ્રુઆરીમાં સુરતના એક હીરાના વેપારીનો સંપર્ક કર્યો હતો.  એક આરોપી ફરિયાદી સાથે વાત કરતો રહ્યો ત્યારે અન્ય આરોપી રૂ. 1.18 કરોડના અસલી હીરાને નકલી પથ્થરથી બદલી દીધા હતા. 

છેતરપિંડીનો કેસ
 પોલીસ અધિકારીએ જણાવ્યું કે, તે વેપારીને ખબર પડી કે, તેની સાથે ઠગાઈ છે ત્યારે તેણે ફરિયાદ નોંધાવી હતી. પોલીસે આરોપીને મુંબઈથી શોધી કાઢ્યો છે. પોલીસ અધિકારીએ કહ્યું કે, આરોપીઓની ભારતીય દંડ સંહિતાની કલમ 420 (છેતરપિંડી) અને 120-બી (સડયંત્ર) હેઠળ ધરપકડ કરવામાં આવી છે.