- ડ્રગ્સ માટે ગુજરાત બન્યું `ગેટવે ઓફ ઈન્ડિયા'!
- સૌરાષ્ટ્ર-કચ્છનો ભાગ નબળી કડી
- ભૂ-માર્ગ બંધ થતા દરિયાઈ માર્ગ પર માફિયાઓની નજર
ગુજરાતના દરિયાનો ફરી એકવાર ડ્રગ્સની ઘુસણખોરી માટે ઉપયોગ થયો છે. પહેલા મુદ્રા પોર્ટ પરથી અને હવે કંડલા પોર્ટની નજીકથી કરોડો રૂપિયાનું ડ્રગ્સ ફરી ઝડપાયું છે.એવું લાગે છે કે, ભારતમાં ડ્રગ્સ ઘુસાડવા માટે ગુજરાતનો દરિયો મુખ્ય કેન્દ્ર બની ગયો છે. છેલ્લા 5 વર્ષમાં 35 હજાર કરોડથી વધુ ડ્રગ્સ ગુજરાતમાં ઝડપાયું છે.
ટેલકમ પાવડરના બહાને લવાયું ડ્રગ્સ
પૂર્વ કચ્છના ગાંધીધામ-ભચાઉ ધોરીમાર્ગ પર આવેલા CSF (કન્ટેન્ટર ફ્રેઈટ સ્ટેશન)માં DRI અને ATSએ સાથે રેડ પાડી હતી. આ દરોડામાં એક કન્ટેનરમાંથી કરોડો રૂપિયાનો ડ્રગ્સનો જથ્થો મળી આવ્યો છે. ટેલકમ પાવડર હેઠળ લવાયેલા આ જથ્થાની ખરાઈ પણ કરી લેવામાં આવી છે.
સંયુક્ત ઓપરેશનમાં 250 કિલો જેટલું હેરોઈન ઝડપાયું
ભારતમાં ડ્રગ્સની ઘુસણખોરી માટે ડ્રગ્સ માફિયાઓ અનેક કિમિયાઓ અપનાવી રહ્યા છે. કારણ કે, ફરી વખત ગુજરાતના દરિયાનો ડ્રગ્સની હેરાફેરી માટે ઉપોયોગ થયો છે.. જેમાં ગાંધીધામ નજીકથી ગુજરાત ATS અને DRIની ટીમને મોટી સફળતા હાંસિલ થઈ છે.આ બંને સુરક્ષા એજન્સીઓના સંયુક્ત ઓપરેશનમાં 250 કિલો જેટલું હેરોઈન ઝડપાયું છે.. જેની આંતરરાષ્ટ્રીય બજારમાં 2500 કરોડ રૂપિયા કિંમત થાય છે.
ડ્રગ્સ ઝડપાવા મુદ્દે કંડલા પોર્ટ પ્રશાસને કરી સ્પષ્ટતા
મહત્વનું છે કે શરૂઆતમાં એવી પણ વાત વહેતી થઈ હતી કે કચ્છમાં કંડલા પોર્ટ પરથી આ ડ્રગ્સ ઝડપાયું છે. કંડલા પોર્ટ પ્રશાસને સ્પષ્ટતા કરી હતી કે, કંડલા પોર્ટ પર આ પ્રકારની કોઈ કર્યાવાહી કે ડ્રગ્સ ઝડપાયું નથી. પરંતુ કંડલા પોર્ટથી 15 કિમી દૂર ખાનગી CFSમાં તપાસ ચાલી રહી છે. જો કે પહેલા એવું જણાવાઈ રહ્યું હતું કે, આ ડ્રગ્સ કંડલા પોર્ટ પરથી ઝડપાયું હતું
અફઘાનિસ્તાનથી ડ્રગ્સ આવ્યું હોવાની શંકા
ગુજરાત ATS અને DRIની સંયુક્ત કામગીરીમાં હેરોઈન ભરેલું કન્ટેનર ઝડપી પાડવામાં આવ્યું હતું. પ્રાથમિક અહેવાલ અનુસાર, આ હેરોઈન અફઘાનિસ્તાનમાંથી આવ્યું હોવાની આશંકા સેવાઈ રહી છે. આ વખતે ઝડપાયેલું હેરોઇન પણ પાવડરની આડમાં લાવવામાં આવતુ હતું.આ ડ્રગ્સ એકદમ પ્યોર ફોર્મમાં છે.સૂત્રોના જણાવ્યા અનુસાર ગુજરાત ATSને આ ડ્રગ્સ અંગેની માહિતી મળી હતી જે બાદ તેની પર DRIએ કાર્યવાહી કરી હતી. જેમાં એક કન્ટેનરમાં 250 કિલો ડ્રગ્સ હતુ. જેની આંતરરાષ્ટ્રીય બજારની કિંમત જોઇએ તો 2500 કરોડની આસપાસ થાય છે.
VTVના સળગતા સવાલો
- - ડ્રગ્સ ઉતારવા માટે ગુજરાતનો દરિયો સેફ પેસેજ?
- - ડ્રગ્સ મોકલનારા કેમ કરે છે ગુજરાતની પસંદગી?
- - શું ગુજરાતથી ડ્રગ્સ આસાનીથી દેશમાં સપ્લાય કરી શકાય છે?
- - શું ગુજરાત મરીન પોલીસના પેટ્રોલિંગમાં કોઇ ઉણપ છે?
- - શું ઉણપનું ફાયદો ઉઠાવવા ગુજરાતના દરિયા કિનારે ડ્રગ્સ ઉતારાય છે?
હજુ પણ અન્ય કન્ટેનરમાં ડ્રગ્સનો જથ્થો હોવાની શક્યતા
એજન્સીઓને શક છે કે, આવું એક જ કન્ટેનર નહીં પરંતુ વધુ કન્ટેનર પણ હોય શકે છે. જેમાં આ કન્ટેનરની પણ તપાસ થઇ રહી છે.મહત્વનું છે કે, રો ડ્રગ્સ પાકિસ્તાનમાં તૈયાર થતું હોય છે પરંતુ તેને અફઘાનિસ્તાન અને ઇરાનના મારફતે ભારત લાવવામાં આવતુ હોય છે. જે બાદ તેને બીજા દેશમાં મોકલવામાં આવતુ હોય છે. આ પહેલા પણ ઝડપાયેલા ડ્રગ્સના મોટા જથ્થાને પણ આ રીતે જ લાવાવમાં આવ્યુ હતુ. તેની ખપત ભારતમાં થવાની ન હતી. તેને અન્ય દેશોમાં મોકલવાનું હતું. હાલ આ ડ્રગ્સ ક્યાં અને કોણે મોકલ્યું હતુ તે અંગેની તપાસ ચાલી રહી છે.
ગુજરાતનો દરિયો ડ્રગ્સનો ગેટ વે?
- ગુજરાતનો દરિયો બની રહ્યો છે ડ્રગ્સનું એપી સેન્ટર
- રાજ્યનો 1600 કિલોમીટરનો દરિયો બની રહ્યો છે ડ્રગ્સનો નવો માર્ગ
- અરબી સમુદ્રથી ગુજરાત-ભારતના જુદા જુદા ભાગમાં પહોંચાડાય છે ડ્રગ્સ
- ગુજરાતના જળમાર્ગથી શ્રીલંકા અને એશિયાના અન્ય દેશોમાં પહોંચાડાય છે
- પાકિસ્તાન-અફઘાનિસ્તાન અને આફ્રિકાથી ગુજરાત આવે છે ડ્રગ્સ
- દાઉદ ઇબ્રાહિમની ડી-કંપની માટે ગુજરાતનો દરિયો સોફ્ટ ટારગેટ
- દાઉદ સિવાયના વૈશ્વિક માફિયા પણ કરી રહ્યાં છે ગુજરાત રૂટનો ઉપયોગ
- સોમાલિયાથી આવતું ડ્રગ્સ સિંગાપોર, શ્રીલંકા, ઇન્ડોનેશિયા પહોંચે છે
- મલેશિયા, જાવા, સુમાત્રાના ડ્રગ્સનો રૂટ પણ ગુજરાતનો દરિયો
- અફઘાનિસ્તાન વિશ્વનો સૌથી મોટું ડ્રગ્સ ઉત્પાદન કરતો દેશ
- અફઘાનિસ્તાનના આતંકીઓનો છે કરોડોનો ડ્રગ્સનો વેપાર
- ગુજરાતનું અમદાવાદ એરપોર્ટ પર ડ્રગ્સની હેરાફેરી માટે કુખ્યાત
- અનેકવાર આફિકાના નાગરીક એરપોર્ટથી ઝડપાયા છે
- બીજી બાજુ પંજાબની જેમ ગુજરાત પણ બન્યું છે ડ્રગ્સનું કેન્દ્ર
- `ઉડતા પંજાબ' પછી `ઉડતા ગુજરાત' તો નહીં થાયને?
