- 95 ટકા લોકોએ ક્રીપ્ટોને કહ્યું એક સ્કેમ
- વર્ષ 2022 બધા જ માર્કેટ માટે રહ્યું ખરાબ
- બિલી માર્ક્સ અને એલોન મસ્ક વચ્ચે ટ્વીટર પર થઇ વાતચીત
ક્રિપ્ટોકરન્સીને લઈને લોકોમાં ભય
ક્રિપ્ટોકરન્સીમાં રોકાણ કરવું એ ભયંકર જોખમ લેવા જેવું છે. તેમાં ઉતાર ચઢાવ વધુ હોય એટલે નહિ પરંતુ કોઈ જાણતું જ નથી કે કઈ ચલણ ક્યારે ડૂબી જશે. ટેરા (લુના)નું લેટેસ્ટ ઉદાહરણ સૌની સામે છે. એક અઠવાડિયા કરતાં ઓછા સમયમાં, લોકોની મૂડીનો 100 ટકા હિસ્સો તેમાં ડૂબી ગયો. આવી સ્થિતિમાં હવે લોકો વિચારવા લાગ્યા કે કદાચ ક્રિપ્ટોમાં રોકાણ કરવું એ મૂર્ખતાભર્યું છે. દુનિયાભરના આવા અંદાજને લઈને ક્રિપ્ટોકરન્સી ડોગેકોઈનના સહ-સ્થાપક બિલી માર્કસે પોતાના એક ટ્વિટમાં કહ્યું કે 95 ટકા ક્રિપ્ટોકરન્સી પ્રોજેક્ટ્સ કૌભાંડો છે. તેના ટ્વિટ પર વિશ્વના સૌથી ધનિક વ્યક્તિ ઈલોન મસ્કનું પણ ધ્યાન ખેંચાયું છે. ઇલોન મસ્ક ઘણીવાર ડોગેકોઇનના વખાણ કરતા જોવા મળ્યા છે.
બિલી માર્ક્સનું ટ્વિટ
એક રિપોર્ટ અનુસાર પોતાના ટ્વીટમાં બિલી માર્કસે લખ્યું કે 95 ટકા લોકો ક્રિપ્ટોને સ્કેમ અને કચરો કહે છે અને ક્રિપ્ટો સાથે જોડાયેલા લોકોને મૂર્ખ સમજે છે કારણ કે 95 ટકા ક્રિપ્ટો કૌભાંડ જ છે અને તેમની સાથે જોડાયેલા લોકો પણ મૂર્ખ છે. તે અહિ જ અટક્યો નહતો, આગળ તેણે લખ્યું કે આવો આપણે આ વિચારને બદલીએ. તમે કોને ટેકો આપો છો અને તમે કોને સપોર્ટ કરો છો તેનાથી આ ફેરફાર શરૂ થશે.
એલોન મસ્કનો જવાબ
બિલી માર્કસના ટ્વીટ પછી, એલોન મસ્કે તેને હસતી સ્માઇલી સાથે રીપ્લાય આપ્યો. એલોન મસ્કે બિલીના ટ્વીટનો પહેલીવાર રીપ્લાય આપ્યો એવું નથી. તેઓ વારંવાર આવું કરતા રહે છે. ટેસ્લાના સીઈઓ એલોન મસ્કે 2021માં ડોઝેકોઈન માટે પોતાનો પ્રેમ વ્યક્ત કર્યો હતો. બિલીએ આ મહિને 13 મેના રોજ ટ્વિટ કરીને લખ્યું હતું કે, "મને ડોઝેકોઈન એટલા માટે પસંદ છે કારણ કે તે જાણે છે કે તે મૂર્ખતા છે." આના પર મસ્કે રિપ્લે આપ્યો કે, "તે ચલણ બનવાની ક્ષમતા ધરાવે છે."
આ વર્ષ માટે માર્કેટ નીચું જતું જોવા મળ્યું
આ વર્ષ (2022) અત્યાર સુધી વિશ્વભરના રેગ્યુલેટેડ શેરબજારો માટે સારું રહ્યું નથી, જ્યારે અન-રેગ્યુલેટેડ ક્રિપ્ટોકરન્સી માર્કેટ પણ ખરાબ રીતે તૂટ્યું છે. આ વર્ષે બિટકોઈનમાં 30 ટકાથી વધુનો ઘટાડો થયો છે. ડોગેકોઈન પણ માર્કેટ ક્રેશથી બચી શક્યું નથી. ડોઝેકોઈનમાં પણ આ મહિનાની શરૂઆતથી લગભગ 35 ટકાનો ઘટાડો જોવા મળ્યો છે, જ્યારે ક્રિપ્ટોકરન્સીમાં એક વર્ષમાં 70 ટકાનો ઘટાડો થયો છે.
