ઉત્તર રેલવેના સેવાનિવૃત્ત લોકો ચાલક રામ કુમાર તિવારીએ 1991માં સીબીઆઈની સાથે આ મામલામાં FIR દાખલ કરી હતી. તિવારીએ પોતાની FIRમાં આરોપ લગાવ્યો હતો કે તેના પેન્શનની ગણના માટે વર્માએ 150 રૂપિયા માંગ્યા હતા.
અધિકારીએ 1991માં લીધી હતી લાંચ
31 વર્ષ બાદ આવ્યો ચુકાદો
82 વર્ષના રિટાયર્ડ ક્લર્કને થઈ 1 વર્ષની જેલ
CBIની સ્પેશિયલ કોર્ટે ગુરૂવારે 82 વર્ષના સેવાનિવૃત્ત રેલવે ક્લર્કને 31 વર્ષ જુની 100 રૂપિયાની લાંચ લેવાના મામલામાં એક વર્ષની સજા સંભળાવી હતી. સીબીઆઈના ખાસ ન્યાયાધીશ અજય વિક્રમ સિંહની કોર્ટે વૃદ્ધાવસ્થાના આધાર પર ઓછી સજાની માંગ કરી રહેલા દોષી પ્રત્યે કોઈ પણ પ્રકારની ઉદારતા બતાવવાનો ઇનકાર કર્યો હતો અને કહ્યું કે આમ કરવાથી સજામાં ખોટો સંદેશ જશે.
કોર્ટે દોષી રામ નારાયણ વર્માને 15 હજાર રૂપિયાનો દંડ પણ ફટકાર્યો હતો. વર્માએ જજ સામે દલીલ કરી કે આ ઘટના 22 વર્ષ પહેલાની હતી. આ મામલામાં પહેલા જામીન પર બહાર આવતા પહેલા તે બે દિવસ જેલમાં પસાર કરી ચુક્યા છે.
કોર્ટે ફગાવી દીધી ઓછી સજાની અપીલ
તેમણે દલીલ આપી કે તેમની સજા પહેલાથી જેલમાં પસાર કરેલા સમય સુધી સીમિત કરવામાં આવી શકે. જેથી સજા કાપવા માટે તેમને જેલ ન જવું પડે. અરજીને ફગાવતા જજે કહ્યું કે મામલામાં બે દિવસની જેલ પુરતી નથી. લાંચની રકમ અપરાધની પ્રકૃતિ અને અન્ય કારણોને જોતા એક વર્ષની જેલ ન્યાયના હેતુને પુરો કરશે.
CBIની ટીમે લાંચ લેતા રંગે હાથ ઝડપ્યા હતા
ઉત્તર રેલવેના સેવાનિવૃત્ત લોકો ચાલક રામ કુમાર તિવારીએ 1991માં CBIની સાથે આ મામલામાં FIR દાખલ કરાવી હતી. તિવારીએ પોતાની FIRમાં આરોપ લગાવવ્યો હતો કે તેમની પેન્શનની ગણનાના ઉદ્દેશ્યથી તેમનું મેડિકલ ટેસ્ટ કરવું જરૂરી હતું. વર્માએ તેના માટે 150 રૂપિયા લાંચ માંગી હતી.
બાદમાં તેમણે 100 રૂપિયાની માંગ કરી . સીબીઆઈએ લાંચની રકમની સાથે વર્માને રંગે હાથ ઝડપ્યા હતા. સીબીઆઈએ તપાસ પુરી કર્યા બાદ વર્મા વિરૂદ્ધ ચાર્જશીટ દાખલ કરી. કોર્ટે 30 નવેમ્બર, 2022એ આરોપી પર આરોપ નક્કી કર્યા.