ઉત્તર પ્રદેશ / કાનપુરમાં હિસ્ટ્રીશીટરને પકડવા ગયેલી પોલીસ પર ફાયરિંગ, DSP સહિત આઠ પોલીસકર્મી શહીદ

પોલીસે પાડેલી રેડ દરમિયાન હિસ્ટ્રીશીટરના બદમાશોએ પોલીસને ઘેરી લઇને ફાયરિંગ કર્યું. જેમાં આઠ પોલીસકર્મી શહીદ થયા. વિકાસ દુબે એ જ અપરાધી છે, જેણે 2001માં રાજનાથસિંહ સરકારમાં મંત્રી રહેલા સંતોષ શુકલાની પોલીસ ચોકીમાં ઘુસીને હત્યા કરી દીધી હતી. ઘટનાને લઇને સીએમ યોગી આદિત્યનાથે ડીજીપી અને મુખ્ય સચિવ ગૃહ સાથે વાતચીત કરી છે. 
 

Kanpur: 8 Police personnel lost their lives after being fired upon by criminals when they had gone to raid Bikaru village in search of history-sheeter Vikas Dubey. SSP Kanpur says, "They'd gone to arrest him following complaint of attempt to murder against him.They were ambushed" pic.twitter.com/9Qc0T5cKPw

— ANI UP (@ANINewsUP) July 3, 2020

પ્રાપ્ત મળતી વિગત અનુસાર બિલ્હોરના સીઓ દેવેન્દ્ર મિશ્ર, શિવરાજપુરના એસઓ મહેશ યાદવ, બે સબ ઇન્સપેક્ટર અને 4 સિપાહી શહીદ થયા છે. આ સિવાય અન્ય સાત પોલીસકર્મી ઇજાગ્રસ્ત થયા છે. જેમાં કેટલાંક પોલીસકર્મીની હાલત ગંભીર છે. પોલીસ હત્યાના પ્રયાસના કેસમાં વિકાસ દુબેની ધરપકડ કરવા ગઇ હતી. વિકાસ વિરુદ્ધ 60 કેસ દાખલ છે. 

ઉત્તર પ્રદેશના ડીજીપી એચસી અવસ્થીએ કહ્યું છેકે વિકાસ દુબે સામે કેટલાંક દિવસ પહેલા હત્યાના પ્રયાસનો કેસ દાખલ કરવામાં આવ્યો હતો. પોલીસ વિકાસ દુબેની ધરપકડ કરવા ગઇ હતી. પોલીસ જ્યારે ગામની બહાર પહોંચી ત્યારે જેસીબી આડુ રાખવામાં આવ્યું હતું. જેના કારણે પોલીસ ફોર્સની ગાડી ગામની અંદર જઇ શકી નહીં. 
 

Case under Sec 307 was lodged against history-sheeter Vikas Dubey, Police had gone to arrest him. JCBs were put up there which obstructed our vehicles. When Force got down, criminals opened fire. There was retaliatory firing but criminals were at a height, so our 8 men died: DGP pic.twitter.com/k8tuxPuWLc

— ANI UP (@ANINewsUP) July 3, 2020

ડીજીપી અવસ્થીએ કહ્યું કે ગાડી અંદર ન જઇ શકતા પોલીસકર્મી ગામની બહાર નીચે ઉતરી ગયા. ત્યારે પહેલેથી છૂપાયેલા બદમાશોએ પોલીસ પર ફાયરિંગ શરૂ કર્યું હતું. પોલીસે જવાબી કાર્યવાહીમાં ફાયરિંગ કર્યું, જો કે બદમાશો ઉંચાઇ પર હોવાના કારણે પોલીસકર્મીઓને ગોળી વાગી. 8 પોલીસકર્મી શહીદ થઇ ગયા છે.