વડોદરા / વૃદ્ધોને એકલા ઘરે મુકીને બહાર જતા પહેલા જાણી લો આ સમાચાર, વડોદરામાં બિઝનેસમેનની માતાને બંધક બનાવી 6.5 લાખની લૂંટ

• બિઝનેસમેનની માતાને બંધક બનાવી કરી લૂંટ
• સેવાસી રોડ પર આવેલા તારક બંગ્લોઝમાં લૂંટ
• નેપાળી દંપતી સહિત 4 લોકોએ કરી લૂંટ

વડોદરામાં બિઝનેસમેનની માતાને બંધક બનાવી લૂંટ કરાઇ 

વડોદરના સેવાસી ગામમાં રહેતા તારક બંગલામાં રહેતા અંજનાબેન પ્રકાશભાઇ પટેલે પોલીસમાં ફરિયાદ નોંધાવી હતી કે ગત 13 તારીખે તેમનો પુત્ર તારક પરિવાર સાથે ઉતરાયણ કરવા અમદાવાદ ગયો હતો અને તે ઘેર એકલા હતા  તે સમયે તેમના બંગ્લોમાં નોકર તરીકે નેપાળી દંપતી સહિત 4 શખ્સોએ તેમના ઘરમાંથી રૂપિયા 6 લાખ 50 હજારની રોકડ, સોનાના દાગીના લઇ ફરાર થઈ ગયાં છે. 

નેપાળી દંપતી સહિત 4 લોકોએ કરી લૂંટ

સેવાસીના તારક બંગલામાં રહેતા અંજનાબેન પટેલે પોલીસમાં ફરિયાદ નોંધાવી હતી કે ગત 13 તારીખે તેમનો પુત્ર તારક પરિવાર સાથે ઉતરાયણ કરવા અમદાવાદ ગયો હતો. તેમના બંગ્લોમાં નોકર તરીકે કામ કરતાં નેપાળી દંપતી સહિત 4 શખ્સોએ મને ગ્રીન ટીમાં  કેફી પીણું પિવડાવી બંધક બનાવી બાદમાં  તીજોરીની ચાવી અને લોકરનો નંબર માંગ્યો હતો. બાદમાં લૂંટારુઓએ 6.50 લાખ રોકડા, સોનાના દાગીના લઈને ફરાર થઈ ગયાં હતાં. આ અંગે વડોદરા પોલીસે ગુનો નોંધી આરોપીઓને ઝડપી પાડવા ચક્રો ગતિમાન કર્યા