દેશમાં કોરોના વાયરસ ફેલાઈ ચૂક્યો છે ત્યારે લોકો ઈમ્યુનિટી વધારવા માટે ખાટા ફળોનું સેવન વધારી રહ્યા છે. પરંતુ તેનાથી થતી પથરીની સમસ્યાથી અજાણ છે. જો તમે પણ ઈમ્યુનિટી વધારવા માટે ખાટા પદાર્થોનું સેવન કરો છો તો તમારે સતર્ક રહેવાની જરૂર છે. તે તમારી પથરીની સમસ્યા વધારે છે.
ઈમ્યુનિટી વધારવા કરાય છે ખાટા ફળનું સેવન
ખાટા ફળોથી વધે છે પથરીનો ખતરો
આજથી જ બદલી લો તમારી આ આદત
કિડની સ્ટોન અને તેનું દર્દ ખૂબ જ ખતરનાક હોય છે. પથરીના 4 પ્રકાર હોય છે. જેમાં કેલ્શિયમ સ્ટોન, સ્ટ્રૂવાઈટ સ્ટોન, યૂરિક એસિડ સ્ટોન અને સિસ્ટાઈન સ્ટોન સામેલ છે. ખાસ કરીને વધારે પ્રમાણમાં ખવાતા ખાટા ફળ પથરીને આમંત્રે છે.
એનિમલ પ્રોટીન
પ્રાણીઓમાંથી મળતું પ્રોટીન શરીરમાં કેલ્શિયમ ઓક્સેલેટ, કેલ્શિયમ ફોસફેટ અને યૂરિક એસિડ સ્ટોનનો ખતરો વધારે છે. માટે ડાયટમાં તેનું પ્રમાણ ઓછું રાખો. માંસ, ઈંડા, માછલી, દૂધ અને પનીરને બદલે દાળ, શાક, મગફળી કે સોયા ફૂડથી પ્રોટીન મળી રહે છે.
વધારે સોડિયમ
જો તમે ભોજનમાં વધારે સોડિયમ લો છો તો તે ખતરનાક સાબિત થઈ શકે છે. આ સિવાય જંક ફુડ, ડબ્બાનું પેક ફૂડ ખાવાથી બચવું, કૈન સૂપમાં પણ વધારે સોડિયમ હોય છે. માટે તેનું સેવન ટાળો.
વિટામીન સી
ઈમ્યુનિટી વધારવા લોકો વિટામીન સીનો ઉપયોગ કરી રહ્યા છે. વિટામીનનું વધારે સેવન સ્ટોન તૈયાર કરે છે. સંતરાથી બનેલા પ્રોડક્ટ્સ ઓછા ખાવાની સલાહ આપવામાં આવે છે. ખાસ કરીને પેકેટ ઓરેન્જ જ્યુસનું સેવન ટાળવાની સલાહ આપવામાં આવી છે.
આ શાક ખાવાનું ટાળો
પથરીનો ખતરો વધી રહ્યો હોય ત્યારની સ્થિતિમાં કેટલાક શાક ખાવાનું ટાળવાનું કહેવામાં આવે છે. તે બીજ સ્ટોનનું કારણ બની શકે છે. ટામેટાના બીજ, રીંગણના બીજ, કાચા ચોખા, અડદ અને ચણાનું વધારે સેવન કરવાથી પણ સ્ટોનની સમસ્યા વધી શકે છે.