- શનિવાર રહ્યો સંકટનો વાર!
- રાજ્યમાં આગના 5 બનાવ
- મોરબીના સનાળારોડ પર યાર્ડમાં સળગ્યો કપાસ
- સુરતમાં મંડપના ગોડાઉનમાં આગ
- ભરૂચમાં ફર્નિચરના શો રૂમમાં લાગી આગ
- વડોદરામાં સળગી ઉઠી કાર
રાજ્યમાં આજે આગની ઘટનાના 5 બનાવો બન્યા હતા. જેમાંથી એક મોરબીના સનળા રોડ પર આવેલ માર્કેટ યાર્ડમાં આગ લાગતા કપાસનો પાક બળીને ખાખ થઈ ગયો હતો. તો સુરતમાં મંડપના ગોડાઉનમાં આગ લાગી હતી. આ ઉપરાંત ભરૂચમાં ફર્નિચરના શો રૂમમાં પણ આગ લાગવાની ઘટના બની હતી. તો વડોદરામાં પાર્કિંગમાં મુકેલી કારમાં અચાનક આગ લાગતા કાર બળીને ખાખ થઈ ગઈ હતી. આમ આજનો શનિવાર સંકટનો વાર રહ્યો હતો.
મોરબીના શનાળા રોડ પર આવેલ માર્કેટયાર્ડમાં આગ લાગતાં ખેડૂતોનો હજારો મણ કપાસનો જથ્થો આગમાં બળીને ખાખ થઇ ગયો છે અને મોરબી માર્કેટિંગ યાર્ડના વાઇસ ચેરમેન મગનભાઇ વડાવિયા સહિતના આગેવાનો પાસેથી જાણવા મળતી વિગતો પ્રમાણે હજારો મણ કપાસ આગમાં બળીને ખાખ થઇ ગયો છે અને ખેડૂતોને કહેવા પ્રમાણે લગભગ 10000 મણ કરતા વધુનો કપાસનો જથ્થો આગ લાગવાના કારણે બળીને ખાખ થઇ ગયો છે ત્યારે આ સમાચાર મળતાની સાથે જ મોરબી-માળિયા વિધાનસભા બેઠકના ધારાસભ્ય અને રાજયના પંચાયત મંત્રી બ્રિજેશભાઇ મેરજા તાત્કાલિક મોરબીના શનાળા રોડ પર આવેલ માર્કેટયાર્ડ ખાતે દોડી આવ્યા હતા અને તેઓએ સ્થાનિક અધિકારીઓ અને ખેડૂતો પાસેથી યાર્ડમાં જે નુકસાન થયેલ છે તેની માહિતી મેળવી હતી અને ત્યાર બાદ આગામી સમયમાં ખેડૂતોને તાત્કાલિક અસરથી વળતર મળે તેના માટેના પ્રયાસો કરવામાં આવશે તેવું પણ જણાવ્યું હતું.
સુરતના સરથાણા વિસ્તારના સીમાડા કેનાલ રોડ પર પ્રમુખ પાર્કિંગમાં આગની ઘટના ઘટી હતી. મંડપ સર્વિસના ગોડાઉનમાં આગ લાગતા શિવધારા ટાયરના ગોડાઉનમાં સુધી આગ પ્રસરી હતી. 5 ફાયર ફાઇટરની ગાડી ઘટના સ્થળે પહોંચી આગ કાબૂમાં લીધી હતી
ભરૂચ પાલેજ ફર્નિચરની દુકાનમાં પણ આગનો બનાવ બન્યો હતો. જમાદાર ફર્નિચર દુકાનમાં આગ ભભૂકતા દુકાનનો સામાન બળીને ખાખ થઈ ગયો હતો.ઘટનામાં કોઈ જાનહાની થઈ ન હતી ફાયર વિભાગને કોલ અપાતા આગ પર મેળવ્યો કાબૂ મેળવવામાં આવ્યો હતો.
વડોદરાના પાદરાના કણઝટ માશા રોડ બજારમાં આગની ઘટના સામે આવી છે. પાર્કિંગમાં મૂકેલી કારમાં અચાનક આગ લાગી હતી. ઘટનાની જાણ થતા ફાયર બ્રિગેડની ટીમે આગ પર કાબુ મેળવ્યો હતો. જો કે આગમાં કાર બળીને ખાખ થઈ ગઈ હતી,. હાલ શોર્ટ સર્કિટથી આગ લાગી હોવાનું અનુમાન કરવામાં આવી રહ્યું છે.
બનાસકાંઠાના થરાદમાં આવેલી ડિસ્કવરી નામની શોપમાં પણ આગ લાગતા અફરાતફરી મચી હતી. બિલ્ડીગના બીજા માળે અચાનક પ્રચંડ આગ લાગી હતી. ફાયરની ટીમે ઘટના સ્થળે પહોંચી કાબુ મેળવ્યો હતો
