- ધોમધખતા તાપને કારણે ગળુ સુકાવા લાગે છે
- ટ્રાય કરો આ 4 હેલ્ધી અને એનર્જેટીક ડ્રિંક
- હાઈડ્રેટેડ રહેવાની સાથે સાથે રહેશો હેલ્ધી
ભાગદોડભર્યા જીવનમાં રોજબરોજના કામને કારણે શરીર થાકી જાય છે. ધોમધખતા તાપને કારણે ગળુ સુકાવા લાગે છે. બહાર નીકળતા જ વ્યક્તિ એટલી થાકી જાય છે કે, તેને આરામ કરવાની જ ઈચ્છા થાય છે. આ કારણોસર ગરમીમાં એનર્જેટીક રહેવું જરૂરી છે. અહીંયા અમે તમને કેટલાક હેલ્ધી ડ્રિંક વિશે જાણકારી આપી રહ્યા છીએ, જેની મદદથી તમે હાઈડ્રેટેડ રહેવાની સાથે સાથે હેલ્ધી રહેશો.
નારિયેળ પાણી- નારિયેળ પાણી આરોગ્ય માટે ખૂબ જ ફાયદાકારક ડ્રિંક છે. નારિયેળ પાણીમાં કાર્બ્સ, પોટેશિયમ, મેગ્નેશિયમ, ફોસ્ફરસ, કેલ્શિયમ જેવા અનેક પ્રકારના પોષકતત્ત્વો રહેલા છે, જેથી હાર્ટ હેલ્ધી રહે છે અને બ્લડ શુગર કંટ્રોલમાં રહે છે. શરીર હાઈડ્રેટેડ રહે છે તથા એનર્જી મળે છે અને થાક દૂર થાય છે.
તરબૂચ- ગરમીઓમાં તરબૂચનું ખૂબ જ વેચાણ થાય છે. ગરમીમાં અનેક પ્રકારના પોષકતત્ત્વો રહેલા છે. તરબૂચમાં 90%થી વધુ પાણી રહેલું છે, જેથી ગરમીમાં પણ શરીર હાઈડ્રેટેડ રહે છે. તરબૂચમાં કાર્બ્સ, ફાઈબર અને પ્રોટીન હોય છે, જેથી તરબૂચનું સેવન કરવાથી શરીરને એનર્જી મળે છે.
દાડમનું જ્યૂસ- દાડમના જ્યૂસનું સેવન કરવાથી શરીરને ઈન્સ્ટન્ટ એનર્જી મળે છે. દાડમમાં પ્રોટીન, ફાઈબર, વિટામીન સી, મેગ્નેશિયમ, ફોસ્ફરસ, પોટેશિયમ, કાર્બોહાઈડ્રેટ સહિત અન્ય પોષકતત્ત્વો રહેલા છે. જેથી શરીર સ્વસ્થ અને તંદુરસ્ત રહે છે. નિયમિતરૂપે દાડમના જ્યૂસનું સેવન કરવાથી શરીર ઊર્જાવાન રહે છે.
કેળાનો શેક- કેળાના જ્યૂસનું સેવન કરવાથી શરીરને ઈન્સ્ટન્ટ એનર્જી મળે છે, જેથી થાક દૂર થાય છે. કેળામાં ફાઈબર, વિટામીન સી, મેગ્નેશિયમ, ફોસ્ફરસ, પોટેશિયમ, પ્રોટીન સહિત અન્ય પોષકતત્ત્વો રહેલા છે. કેળાના જ્યૂસનું સેવન કરવાથી પાચનતંત્ર મજબૂત થાય છે અને શરીર ફિટ તથા તંદુરસ્ત બને છે અને ગરમીમાં એનર્જી પ્રદાન કરે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
