- એક ઘરમાં એક જ પરિવારના 5 સભ્યોની લાશ મળી
- પરિવારના સભ્યોની આત્મહત્યા બાદ મોત ભૂખના કારણે બાળકનું મોત
- ઘરના 4 સભ્યોએ આત્મહત્યા કરી
ઘરના 4 સભ્યોએ આત્મહત્યા કરી
બેંગ્લુરુના વ્યાદરહલ્લી વિસ્તારમાં સ્થિત એક ઘરમાં એક જ પરિવારના 5 સભ્યોની લાશ બહું ખરાબ સ્થતિમાં મળી છે. પોલીસ જ્યારે ઘરમાં દાખલ થઈ તો તેમણે જોયું તો 4 વયસ્કોની બોડી અલગ અલગ રુમમાં ફાંસી પર લટકેલી હતી. જ્યારે 9 મહિનાના બાળકની લાશ બેડ પર હતું. કેટલાક રિપોર્ટ્સમાં દાવો કરવામાં આવ્યો છે કે પરિવારના સભ્યોની આત્મહત્યા બાદ બાળકનું મોત ભૂખના કારણે થઈ છે. આ રીતે એક મામલો વર્ષ 2018માં દિલ્હીના બુરાડીમાં સામે આવ્યો હતો. જ્યાં એક પરિવારના 11 સભ્યો ઘરના છત પર ફાંસી લગાવેલા જોવા મળ્યા હતા.
પરિવારનું મોત લગભગ 4 દિવસ પહેલા થયું
મરનારની ઓળખ ભારતી(51), સિંચન (34), સિંધુરાની(31) અને મધુસાર(25)ના રુપમાં થઈ છે. એક પોલીસ અધિકારીએ જાણકારી આપી કે શુક્રવારે જ્યારે તે ઘરમાં દાખલ થયા તો તેમણે જોયું કે સભ્યો ફાંસી પર લટકતા જોવા મળ્યા હતા. આશંકા છે કે પારિવારીક કંકાશના કારણે સભ્યોએ આત્મહત્યા કરી લીધી છે. આશંકા છે કે પરિવારનું મોત લગભગ 4 દિવસ પહેલા થયું છે.
બાળક બેડ પર મૃત મળ્યો
બેંગલુરુ પશ્ચિમના ડીસીપી સંજીવ પાટિલે કહ્યું કે આ મામલો ત્યારે સામે આવ્યો જ્યારે ઘરના માલિક હાલેગિરી શંકર 3-4 દિવસ બાદ ઘરે પહોંચ્યા હતા. તેમણે જાણકારી આપી કે ગત 2-3 દિવસમાં કોઈ પણ તેમનો ફોન નહોંતા ઉઠાવી રહ્યા. જ્યારે તે ઘરે પહોંચ્યા તો ઘરમાં તાળુ લગાવેલુ હતુ. પાટિલે આગળ જણાવ્યું કે પોલીસને જાણકારી આપવામાં આવી અને દરવાજો તોડવામાં આવ્યો . તેમણે કહ્યું તે ઘરમાં પ્રવેશ કરવા પર 4 વયસ્કોના શરીર અલગ અલગ રુમમાં છત પર લટકેલા જોવા મળ્યા છે અને બાળક બેડ પર મૃત મળ્યો.
અઢી વર્ષની બાળકીને ઘરમાંથી બચાવવામાં આવી
તેમણે જાણકારી આપી કે અઢી વર્ષની બાળકીને ઘરમાંથી બચાવવામાં આવી અને નજીકની હોસ્પિટલમાં દાખલ કરવામાં આવી. પોલીસે જાણકારી આપી કે ભારતી, શંકરની પત્ની છે અને અન્ય 3 વયસ્ક તેમના બાળકો છે. 9 મહિનાનું બાળક અને અઢી વર્ષની બાળકી ભારતી અને શંકરના પૌત્ર અને પૌત્રી છે.
