સુરત શહેરમાં અવારનવાર ચોરી, લૂંટફાટ, મારામારી, હત્યા જેવા કિસ્સાઓ સામે આવે છે. ત્યારે સુરતમાં ઉછીના લીધેલા પૈસા મામલે એક મિત્ર દ્વારા જ બીજા મિત્રની હત્યા કરવાની ઘટના સામે આવી છે.
ભાઈબંધ કરતા પૈસા વધારે વ્હાલા
એક મિત્રએ બીજા મિત્રની હત્યા કરી
હત્યારાની ગણતરીના કલાકોમાં ધરપકડ
સુરત શહેર અને જિલ્લામાં ભાગ્યે જ શાંતી હોય છે. આ શહેરમાં સતત હત્યાની ઘટના સામે આવ્યા કરે છે. અમરોલીમાં ખૂની ખેલની ઘટના સામે આવી છે. મિત્ર દ્વારા મિત્રની હત્યા કરી દેવામાં આવી છે. જેની હત્યા કરી દેવામાં આવી છે કે તે યુવકનું નામ ગોવિંદસિંહ પવાર છે. આ ગોવિંદસિંહ પવારને ગઈકાલે પતાવી દેવામાં આવ્યો છે. તેના પર પથ્થર વડે હુમલો કરવામાં આવ્યો હતો. જેને લઇને ઘટના સ્થળે જ તેનું પ્રાણ પંખિડું ઉડી ગયું હતું. આ મામલે અમરોલી પોલીસે ગુનો દાખલ કરીને હત્યારાની ગણતરીના કલાકોમાં ધરપકડ કરવામાં આવી છે.
એક મિત્રએ બીજા મિત્રની હત્યા કરી
સુરતના અમરોલી વિસ્તારમાં અમરોલી બ્રિજ નીચે બોમ્બે વડાપાવ નામની દુકાનની સામે માનસિંહ ઓડ નામના ઇસમે ગોવિંદસિંહ પવાર નામના મિત્રની હત્યા કરી નાખી હતી.
300 રૂપિયા માટે મિત્રનું મર્ડર
આરોપી અને મૃતક બન્ને મિત્ર હતા, બન્ને સાથે ફરતા હતા. ગોવિંદસિંહ અને માનસિંહ ઓડ બંને સારા મિત્રો હતા. ગોવિંદસિંહ પવારને માનસિંગ ઓડ સાથે ઉછીના લીધેલા પૈસા બાબતે ઝઘડો થયો હતો. 300 રૂપિયા ઉછીના લીધા હોવા મામલે થયેલા ઝઘડામાં રોષે ભરાયેલા માનસિંગ ઓડ દ્વારા મિત્ર ગોવિંદસિંહ પવાર પર પથ્થર વડે હુમલો કરવામાં આવ્યો હતો. આ ઘટનામાં માનસિંગ ઓડ દ્વારા ગોવિંદ પવારના માથાના ભાગે જોરદાર પથ્થરનો ઘા કરતા ગોવિંદ પવારને ગંભીર ઇજા થઈ હતી. આ ઘટનામાં ગોવિંદ પવારને સારવાર માટે સુરતની હોસ્પિટલમાં ખસેડવામાં આવ્યો હતો. પરંતુ ફરજ પરના ડૉક્ટર દ્વારા ગોવિંદ પવારને મૃત જાહેર કરવામાં આવ્યો હતો.
હત્યારાની ગણતરીના કલાકોમાં ધરપકડ
ત્યારબાદ હોસ્પિટલમાંથી આ સમગ્ર ઘટનાની જાણ અમરોલી પોલીસને કરવામાં આવી હતી. તેથી પોલીસ ગણતરીના સમયમાં જ ઘટના સ્થળ પર પહોંચી હતી. પોલીસે ગોવિંદ પવારના મૃતદેહને પોસ્ટમોર્ટમ અર્થે ખસેડી સમગ્ર મામલે હત્યાનો ગુનો નોંધી હત્યાની ઘટનાના ગણતરીના કલાકમાં માનસિંહ ઓડ નામના ઇસમની ધરપકડ કરી હતી.
મિત્રએ માત્ર 300 રૂપિયામાં ભાઈબંધનો જીવ લીધો છે. આ હત્યારા દોસ્ત સામે હત્યાનો ગુનો નોંઘીને તપાસ હાથ ધરી છે. સંસારમાં આવા ઘાતકી દોસ્ત માફીને લાયક નથી. સુરતીલાલા પણ આ ઘાતકી મિત્રને ધિક્કારી રહ્યાં છે.