- નર્મદાના ખાપરબુંદા ગામમાં બાળકીનું મૃત્યુ
- અઢી વર્ષની બાળકીનું નદીમાં ડૂબી જતા મૃત્યુ
- પગ લપસતા શેરખાડી નદીમાં પડી હતી બાળકી
નર્મદા જિલ્લામાં વરસાદ વચ્ચે એક દુ:ખદ ઘટના સામે આવી છે. વિગતો મુજબ નર્મદા જિલ્લાના ખાપરબુંદા ગામે બાળકીનું મોત થયું છે. પ્રાથમિક વિગતો મુજબ અઢી વર્ષની બાળકીનું નદીમાં ડૂબી જતાં મોત થયાનું સામે આવ્યું છે. આ તરફ ઘટના જાણ થતાં ગ્રામજનો સહિતના દોડી આવ્યા હતા. જે બાદમાં આશરે પાંચેક કલાકની શોધખોળ બાદ બાળકીનો મૃતદેહ મળ્યો હતો.
નર્મદાના ખાપરબુંદા ગામે બાળકીના મોતથી પરિવાજનો શોકમગ્ન
નર્મદા જિલ્લામાં વરસાદ આવ્યા બાદ અનેક નુક્શાન થયું છે. આ તરફ એક દુર્ઘટનામાં અઢી વર્ષની બાળકીનું મોત થતાં પંથકમાં શોકનો માહોલ વ્યાપી ગયો છે. વિગતો મુજબ પગ લપસી જતાં એક અઢી વર્ષની બાળકી નદીમાં પડી હતી. જે બાદમાં નદીના વહેણમાં ડૂબી જતાં બાળકીનું મોત થયું છે.
ગ્રામજનોમાં શોકનો માહોલ
નર્મદાના ખાપરબુંદા ગામે અઢી વર્ષની બાળકીનું મોત થતા શોકનો માહોલ સર્જાયો છે. નર્મદાના ખાપરબુંદા ગામમાં અઢી વર્ષની બાળકીનો પગ લપસતા તે શેરખાડી નદીમાં પડી હતી. જે બાદમાં સ્થાનિકો અને ગ્રામજનો દ્વારા 5 કલાકની ભારે શોધખોળ બાદ મૃતદેહ મળી આવ્યો હતો.
હવામાન વિભાગની વરસાદને લઈ આગાહી
હવામાન વિભાગ દ્વારા સમગ્ર રાજ્યમાં આગામી 24 કલાક માટે અતિભારે વરસાદની હવામાન વિભાગે આગાહી કરી છે. હવામાન વિભાગે ઉત્તર ગુજરાત અને દક્ષિણ ગુજરાતમાં સારા એવા વરસાદની આગાહી કરી છે. સાથે સૌરાષ્ટ્ર અને કચ્છમાં પણ સારો એવો વરસાદ વરસશે. હવામાન વિભાગે આગાહી કરતા જણાવ્યું કે, ગુજરાત માટે 24 કલાક અતિભારે છે. ગુજરાતમાં આજે કચ્છ, બનાસકાંઠા, સાબરકાંઠા, મોરબી, જામનગર, દ્વારકા, ભરૂચ, સુરત, આણંદ, વલસાડ અને દમણ સહિતના વિસ્તારોમાં હવામાન વિભાગે ભારે વરસાદની આગાહી કરી છે.
