ઉત્તરપ્રદેશ / લખનૌમાં બે શંકાસ્પદ આતંકીઓની ધરપકડ, ઘરમાંથી મળી એવી વસ્તુ કે મચ્યો હડકંપ

• લખનૌમાં 2 શંકાસ્પદ આતંકીઓની ધરપકડ 
• આતંકીઓ પાસેથી મળ્યો પ્રેશર કુરક બોમ્બ 
• બાતમીને આધારે એટીએસએ કરી ધરપકડ 

ઉત્તરપ્રદેશના લખનૌમાં ATSએ મોટું ઓપરેશન પાર પાડ્યું. જેમા એટીએસ દ્વારા બે શંકાસ્પદ આતંકીઓની ઝડપી પાડવામાં આવ્યા છે. જે આતંકીઓ ઝડપાયા છે તેમની અલકાયદા સાથે લિંક હોવાની શંકા સેવાઈ રહી છે. બંનેને લખનઉનાં કાકોરીમાંથી ઝડપી પાડવામાં આ્વ્યા હતા. તેમની પાસેથી ગણા હથિયારો પણ મળી આવ્યા છે. 

ઘરમાંથી મળ્યો પ્રેશર કુકર બોમ્બ 

આતંકીઓ પાસેથી પ્રેશર કુકર તેમજ બોમ્બ પણ મળી આવ્યા છે. આ શંકાસસ્પદ આંતકીઓ કોઈ મોટી પ્લાનીંગ કરી રહ્યા હતા. પરંતુ તે કઈ પણ કરે તે પહેલાજ તેઓ ઝડપાઈ ગયા છે. આતંકીઓ ઝડપાયા હોવાની માહિતી મળ્યા બાદ આસપાસના વિસ્તારોમાં ચકચાર મચી જવા પામી છે. તેઓ જ્યા રહેતા હતા ત્યા આસપાસના ઘરોને ખાલી કરીને પુરા વિસ્તારમાં ચુસ્ત બંદોબસ્ત ગોઠવી દેવામાં આવ્યો છે. 

2 થી 3 દિવસમાં મોટી ઘટનાને અંજામ આપવાના હતા 

ઝડપાયેલા આતંકીઓ પૈકી એક આતંકી નું નામ શાહિદ હોવાનું સામે આવ્યું છે. જે ઘરમાં રેડ કરવામાં આવી છે તે ઘર શાહિદનુંજ છે અને તે ત્યા તેના પરિવાર સાથે રહે છે. તેમજ તે ગેરેજ ચલાવતો હોવાનું પણ સામે આવ્યું છે. બંને આતંકીઓ બે થી 3 દિવસમાં કોઈ મોટી ઘટનાને અંજામ આપવાના હતા તેવી માહિતી સામે આવી છે. 

બાતમીને આધારે થઈ ધરપકડ 

એટીએસને બાતમી મળી હતી કે કાકરી વિસ્તારના દુબગ્ગા ચાર રસ્તા પાસે આવેલ એક ઘરમાં આંતકીઓ સૂઈ રહ્યા છે. માહિતી મળતાજ પોલીસ અને એટીએસ સ્થળ પર પહોચી, જ્યાથી તેમને પ્રેશર કુકર બોમ્બ મળી આવ્યો. જેથી એટીએસની ટીમે બંને શંકાસ્પદ આતંકીઓને ઝડપી પાડ્યા. 

આસપાસના વિસ્તારમાં ચકચાર મચી ઉઠી 

ઉલ્લેખનીય છે કે આ શંકાસ્પદ આંતકીઓ કોઈ મોટી ઘટનાને અંજામ આપવાના હતા. પરંતુ એટીએસની ટીમે સમયસર આતંકીઓને ઝડપી પાડ્યા છે. પરંતુ આતંકીઓ ઝડપાતા આસપાસના વિસ્તારમાં ચકચાર મચી ગઈ છે. સાથેજ પુરા વિસ્તારને છાવણીમાં ફેરવી દેવામાં આવ્યો છે.