દૂષણ / અમદાવાદમાં થઇ રહ્યું છે મોટાપાયે ડ્રગ્સ સ્મગલિંગ? શાંતીપુરા નજીકથી 2 આરોપીઓને MD ડ્રગ્સ સાથે ધરપકડ

• અમદાવાદમાં ડ્રગ્સ સાથે બે આરોપીની ધરપકડ 
• 17.050 ગ્રામ ડ્રગ્સનો જથ્થો કબ્જે કરાયો
• 3 દિવસના રિમાન્ડ મેળવ્યા 

અમદાવાદ ગ્રામ્યમાં પણ હવે ડ્રગ્સના દૂષણે પગપેસારો કર્યો છે. અમદાવાદ ગ્રામ્ય એસઓજીએ મેથાન્ફેન્ટમાઇન એટલે કે એમડી ડ્રગ્સ સાથે બે આરોપીની ધરપકડ કરી વધુ તપાસ હાથ ધરી છે.

આરોપીઓ જુહાપુરાના રહેવાસી
અમદાવાદ ગ્રામ્ય એસઓજીએ શાંતીપુરા નજીકથી બે આરોપીની એમડી ડ્રગ્સની હેરાફેરી કરે તે પહેલાં ડ્રગ્સના જથ્થા સાથે ધરપકડ કરી છે. પોલીસ પકડમાં રહેલા બન્ને આરોપી મૂળ અમદાવાદના સરખેજ જુહાપુરાના રહેવાસી છે. બંને આરોપીના નામ મહોમ્મદ એજાજ અને શાહનવાઝ ગાંગી છે .પોલીસે બન્ને આરોપી પાસેથી 17.050 ગ્રામ ડ્રગ્સનો જથ્થો કબજે કરવામાં આવ્યો છે, જેની કિંમત રૂ. 1લાખ 70 હજાર થાય છે.

વેજલપુરમાંથી ડ્રગ્સ લીધૂ
શહેર માં વધતા ડ્રગ્સ ના દૂષણ ની વચ્ચે ગ્રામ્ય એસઓજી ઝડપેલાં આરોપી ની પૂછપરછ કરતા બન્ને આરોપીઓ વેજલપુરના આદિલ નામના ઇસમ પાસેથી એમડી ડ્રગ્સ લાવ્યા હતા અને ત્યાર બાદ તેની ડિલિવરી કરવાના હતા. હાલ ગ્રામ્ય એસઓજીએ ડ્રગ્સ મામલે બન્ને આરોપીને કોર્ટ સમક્ષ રજુ કરી 3 દિવસ ના રિમાન્ડ મેળવ્યા છે...ત્યારે હાલ તો પોલીસે મુખ્ય આરોપી સુધી પહોંચવા માટે તપાસ શરૂ કરી છે.