SHORT & SIMPLE / ઈડર-હિંમતનગર હાઈવે પર અકસ્માતમાં 14 વિદ્યાર્થીઓ ઘાયલ, ગણતરીની મિનિટોમાં જ માલિકે ખાનગી ગાડીનો ખેલ પાડી દીધો

• વિદ્યાર્થીઓના વાહનને નડ્યો અકસ્માત
• ઈડર-હિંમતનગર હાઈવે પર અકસ્માત
• 14 વિદ્યાર્થીઓને પહોંચી ઈજા

સાબરકાંઠા જિલ્લામાં વિદ્યાર્થીઓને અકસ્માત નડ્યો છે. ઈડર-હિંમતનગર હાઈવે પર લક્ઝરી બસ અને સ્કૂલ વાહન વચ્ચે અકસ્માત સર્જાતા 14 વિદ્યાર્થીઓ ઈજાગ્રસ્ત થયા છે. જેઓની સારવાર ઈડરની જનરલ હોસ્પિટલમાં ચાલી રહી છે. અકસ્માતની જાણ થતાં જ વાલીઓ હોસ્પિટલ ખાતે દોડી આવ્યા છે.

BIG BREAKING : ઈડર-હિંમતનગર હાઈવે પર બસ અને કાર વચ્ચે અકસ્માત સર્જાતા 14 વિદ્યાર્થીઓ ઇજાગ્રસ્ત, ગાડી માલિકે ગણતરીની જ મિનિટોમાં ખાનગી ગાડી ઘટનાસ્થળેથી હટાવી લીધી#Idar #Himmatnagar #vtvgujarati pic.twitter.com/M0INUARAKf

— VTV Gujarati News and Beyond (@VtvGujarati) April 12, 2023

UGVCLની ઓફિસ નજીક સર્જાયો અકસ્માત 
મળતી માહિતી અનુસાર, ઈડર-હિંમતનગર હાઈવે પર UGVCLની ઓફિસ નજીક હિંમતનગર તરફથી આવતી લક્ઝરી બસ અને સ્કૂલ વાહનનો અકસ્માત સર્જાયો હતો. આ દુર્ઘટનામાં સ્કૂલ વાહનમાં સવાર વિદ્યાર્થીઓને ઈજા પહોંચી છે. ઈજાગ્રસ્તોને સારવાર માટે હોસ્પિટલ ખસેડવામાં આવ્યા છે.

14 વિદ્યાર્થીઓ હતા ખાનગી વાહનમાં સવાર 
એવું કહેવામાં આવી રહ્યું છે કે 7 વ્યક્તિના પાર્સિંગ સામે 14 વિદ્યાર્થીઓને ખાનગી વાહનમાં બેસાડાયા હતા. ગાડી માલિકે ગણતરીની મિનિટોમાં ખાનગી ગાડી ઘટના સ્થળેથી હટાવી લીધી હતી. આ અકસ્માત સર્જાયા બાદ લોકોમાં એક સવાલ ઉભો થયો છે, સ્થાનીક પોલીસ કે જિલ્લા આર.ટી.ઓ કચેરી દ્વારા ખાનગી ગાડી ચાલકો સામે કાર્યવાહી કરવામાં આવશે?