પોલીસ કસ્ટડીમાં કાળા બુરખામાં જોવા મળતા આ શખ્સે 13 વર્ષની સગીરાને પ્રેમજાળમાં ફસાવીને દુષ્કર્મ આચર્યું. જે મામલે સગીરાના પરિવારે ફરિયાદ નોંધાવતા પોલીસે ગુનો નોંધી આરોપીની ધરપકડ કરી. ઘટના એવી છે કે વટવામાં રહેતા શ્રમજીવી પરિવારની 13 વર્ષની દીકરીને અચાનક પેટમાં દુખાવો થતા પરિવાર હોસ્પિટલમાં સારવાર માટે લઈ ગયો. સગીરાને સોનોગ્રાફી કરાવતા તેના પેટમાં 8 માસનું ગર્ભ હોવાનું ખુલ્યું. જેથી સગીરા સાથે દુષ્કર્મ થતા સમગ્ર મામલો વટવા પોલીસ સ્ટેશન પહોંચ્યો હતો. અને પોલીસે ફરિયાદ નોંધીને મુકેશ નામના આરોપીની ધરપકડ કરી.
મજુરી કામ દરમ્યાન એક વર્ષ પહેલાં બન્ને એકબીજાના પરિચય માં આવ્યા હતા
આરોપી અને સગીરા વટવા વિસ્તારમાં રહે છે. મજુરી કામ દરમ્યાન એક વર્ષ પહેલાં બન્ને એકબીજાના પરિચય માં આવ્યા હતા. આરોપી સગીરા કરતા 10 વર્ષ મોટો છે. અને તેને સગીરાને પ્રેમજાળમાં ફસાવીને મળવાના બહાને બોલાવીને તેની સાથે દુષ્કર્મ આચર્યું. સગીરાને માટી ખાવાની ટેવ હતી. જેથી પેટમાં ફુલતા તેને માટીની ગાંઠ હોવાની શકા હતી. પરંતુ અચાનક પેટમાં દુખાવો વધી જતાં સગીરાને હોસ્પિટલમાં લઇ જવામાં આવી. અને ત્યારે સગીરા 8 માસ ગર્ભવતી હોવાનું સામે આવ્યું.સગીરાની પૂછપરછ કરતા આરોપી મુકેશએ દુષ્કર્મ આચર્યું હોવાનું ખુલતા વટવા પોલીસે ગુનો નોંધીને આરોપીની ધરપકડ કરીને મેડીકલ તપાસ કરાવી.
પોલીસે પોક્સો કલમ હેઠળ ગુનો નોંધી ધરપકડ કરી
વટવામાં સગીરા સાથે દુષ્કર્મ કરીને ગર્ભવતી બનાવવાના કેસમાં પોલીસે બળાત્કાર અને પોકસો કલમ હેઠળ ગુનો નોંધીને આરોપીની ધરપકડ કરીને કોર્ટમાં રજૂ કરવાની કાર્યવાહી હાથ ધરી.