સ્ટડીમાં સામે આવ્યું છે કે કોરોના વાઈરસના ૧૨૦થી પણ વધારે મ્યૂટેશન અત્યાર સુધી ભારતમાં મળ્યા છે.
૬૦ દિવસમાં ૭૬ ટકા સેમ્પલમાં આવ્યાં ચોંકાવનારાં પરિણામ
વૈજ્ઞાનિકો હજુ ૧૪ મ્યૂટેશનની તપાસમાં લાગ્યા છે.
દેશમાં ૨૮,૦૪૩ સેમ્પલનું જિનોમ સિક્વન્સિંગ કરાયું
૬૦ દિવસમાં ૭૬ ટકા સેમ્પલમાં આવ્યાં ચોંકાવનારાં પરિણામ
દેશમાં કોરોના વાઈરસના ૩૮ કરોડથી પણ વધારે સેમ્પલ ટેસ્ટ થઈ ચૂક્યા છે. તેમાંથી ફક્ત ૨૮ હજારની જિનોમ સિક્વન્સિંગ થઈ શકી છે. આ સ્ટડીમાં સામે આવ્યું છે કે કોરોના વાઈરસના ૧૨૦થી પણ વધારે મ્યૂટેશન અત્યાર સુધી ભારતમાં મળ્યા છે. તેમાંથી આઠ સૌથી વધારે ખતરનાક છે. વૈજ્ઞાનિકો હજુ ૧૪ મ્યૂટેશનની તપાસમાં લાગ્યા છે.
ડબ્લ્યુએચઓએ જે ખતરનાક વેરિઅન્ટનાં નામ આપ્યાં છે તેમાં આલ્ફા, બિટા, ગામા, ડેલ્ટા પ્લસ, કાપા, ઈટા અને લોટા છે. આ દરેક વેરિઅન્ટ દેશમાં મળી ચૂક્યા છે. આ વેરિઅન્ટમાં કોઈના કેસ વધારે છે તો કોઈના ઓછા છે. દેશની ૨૮ લેબમાં તેનું સિક્વન્સિંગ ચાલી રહ્યું છે. વેરિઅન્ટના પ્રારંભિક રિપોર્ટનાં રિઝલ્ટ ચોંકાવનારા છે.
વૈજ્ઞાનિકો હજુ ૧૪ મ્યૂટેશનની તપાસમાં લાગ્યા છે.
મળતી માહિતી અનુસાર ભારતમાં ડેલ્ટાની સાથે કાપા વેરિઅન્ટ પણ છે. છેલ્લા ૬૦ દિવસમાં ૭૬ ટકા સેમ્પલમાં તેની પુષ્ટિ થઈ છે. જિનોમ સિક્વન્સિંગની મદદથી વૈજ્ઞાનિક કોરોના વાઈરસમાં થનારા બદલાવને સમજી શકે છે. દરેક રાજ્યમાંથી પાંચ ટકા સેમ્પલનું જિનોમ સિક્વન્સિંગ જરૂરી છે જે હાલમાં થઈ રહ્યું નથી.
દેશમાં ૨૮,૦૪૩ સેમ્પલનું જિનોમ સિક્વન્સિંગ કરાયું
ઉલ્લેખનીય છે કે અત્યાર સુધી દેશમાં ૨૮,૦૪૩ સેમ્પલનું જિનોમ સિક્વન્સિંગ કરાયું છે જેમાં ડેલ્ટા પ્લસ અને કાપાનાં ગંભીર મ્યૂટેશન જોવા મળ્યા છે. વૈજ્ઞાનિકોએ ડેલ્ટા પ્લસ, બિટા અને ગામા મ્યૂટેશનને સૌથી ખતરનાક ગણાવ્યાં છે. જે મ્યૂટેશન ઝડપથી ફેલાઈ રહ્યાં છે અને લોકોમાં એન્ટી બોડી પર હુમલો કરે છે. કોરોના વાઈરસનાં મ્યૂટેશન પર વૈજ્ઞાનિકો સ્ટડી કરી રહ્યા છે. છેલ્લા ૬૦ દિવસમાં ૭૬ ટકા સેમ્પલમાં ડેલ્ટા વેરિઅન્ટની પુષ્ટિ થઈ છે. તો આઠ ટકા સેમ્પલમાં કાપા વેરિઅન્ટ મળ્યા છે.