લીબિયાના મધદરિયે હોડી પલ્ટી 100થી વધુ લોકોના મોતની સંભાવના

ત્રિપોલીઃ લીબિયામાં હોડી પલટી જેમાં 100થી વધુ પ્રવાસીઓના મોત થયાની સંભાવના છે. લીબિયા નૌસેનાના પ્રવક્તા અયૂબ કાસેમના જણાવ્યા અનુસાર નૌસેનાને 3 બાળકોના મૃતદેહ પણ મળી આવ્યા છે અને સાથે જ 16 લોકોને બચાવાયા છે.

તેમણે કહ્યું કે આ હોડી રબરથી બનાવેલી હતી અને જેમાં મર્યાદાથી વધુ લોકો સવાર હતા.

નૌકાથી બચેલ એક પીડિતના જણાવ્યા અનુસાર હોડીમાં આફ્રીકા અને અરબ દેશોના લગભગ 125 લોકો સવાર હતા જેમાં ડઝન મહિલાઓ અને બાળકો પણ હતા.

લીબિયાની નૌસેનાએ વીતેલ બે સપ્તાહમાં દેશના પશ્ચિમી તટથી લગભગ 2 000 પ્રવાસીઓને બચાવ્યા છે અને 30થી વધુ લોકોના મૃતદેહો મેળવ્યા છે.