ભારતીય ટીમના સ્ટાર સ્પિનર યુઝવેન્દ્ર ચહલે વીડિયોમાં ડ્રેસિંગ રૂમ બતાવ્યો છે. તો ટીમ ઈન્ડિયાના ખેલાાડીઓ કયા પ્રકારનુ ભોજન કરે છે, તે પણ બતાવવામાં આવ્યું છે.
ભારતીય ટીમના સ્ટાર સ્પિનર યુઝવેન્દ્ર ચહલે વીડિયોમાં ડ્રેસિંગ રૂમ બતાવ્યો
ટીમ ઈન્ડિયાના ખેલાાડીઓ કયા પ્રકારનુ ભોજન કરે છે, તે પણ બતાવ્યું
બીસીસીઆઈએ એક વીડિયો કર્યો શેર
ભારતીય ટીમ રાયપુરના સ્ટેડિયમ પહોંચી ગઇ
ભારતીય ટીમ ન્યુઝીલેન્ડ સામે બીજી વન-ડે મેચમાં ભાગ લેવા માટે રાયપુરના સ્ટેડિયમ પહોંચી ગઇ છે. યુઝવેન્દ્ર ચહલને કીવી ટીમ સામે પહેલી વન-ડે મેચમાં રમવાની તક નહોતી મળી. પરંતુ હવે બીસીસીઆઈએ એક વીડિયો શેર કર્યો છે, જેમાં તેઓ ડ્રેસિંગ રૂમ બતાવી રહ્યાં છે. તેમણે ખાવાનુ મેન્યુ પણ બતાવ્યું છે. આવો જાણીએ આ અંગે.
ચહલે કર્યો ડ્રેસિંગ રૂમનો દીદાર
BCCIએ જે વીડિયો શેર કર્યો છે, તેમાં સ્ટાર સ્પિનર યુઝવેન્દ્ર ચહલે ડ્રેસિંગ રૂમનો નજારો બતાવ્યો છે. ચહલ વીડિયોની શરૂઆતમાં કહેતા દેખાઈ રહ્યાં છે કે આજે ચહલ ટીવી પર કોઈ ખેલાડી નહીં આવે પરંતુ આજે અમે તમને ડ્રેસિંગ રૂમનો સર્વે કરાવીશુ. તેમણે જણાવ્યું કે બેસવાની ખૂબ જ સારી વ્યવસ્થા છે. કેપ્ટન રોહિત શર્માની સાથે વિરાટ કોહલી અને ટીમના વાઈસ કેપ્ટન હાર્દિક પંડ્યા બેઠા છે. રાયપુરમાં પહેલી આંતરરાષ્ટ્રીય મેચ રમાઈ રહી છે.
યુઝવેન્દ્ર ચહલે ડ્રેસિંગ રૂમના મસાજ ટેબલને પણ બતાવ્યું અને જણાવ્યું કે જ્યારે ખેલાડીઓને જરૂર હોય છે તો તેમની મસાજ અહીં જ થાય છે. ત્યારબાદ તેમણે બતાવ્યું કે ભારતીય ખેલાડીઓને કયા પ્રકારનુ ભોજન મળે છે. ત્યારે ભારતીય કેપ્ટન રોહિત શર્મા તેમને કહે છે સારું ભવિષ્ય છે તારું. જેના પર ચહલ હસી રહ્યાં છે.