બોલિવૂડના જૂના ગીત પર ફની ડાન્સ સ્ટેપ્સ કરતો યુવરાજ સિંહ જોવા માળ્યો સાથે જ સચિન સુરેશ રૈના અને ઈરફાન પઠન પણ જોવા મળ્યા.
સોશિયલ મીડિયામાં યુવરાજ સિંહનો વિડીયો વાયરલ
બોલીવુડ જુના ગીતો પર નાચતા જોવા મળ્યો યુવી
સુરેશ રૈના અને ઈરફાન પઠાણ ગીત ગાતા જોવા મળ્યા
40 વર્ષીય પૂર્વ ક્રિકેટર અને સિકસર કિંગ કહેવાતા યુવરાજ સિંહે સોમવારે પોતાના સોશિયલ મીડિયા એકાઉન્ટ પર એક વીડિયો પોસ્ટ કર્યો છે. જેમાં તે બોલિવૂડના જૂના ગીત પર ફની ડાન્સ સ્ટેપ્સ કરતો જોવા મળ્યો હતો. એટલું જ નહીં ખુદ ક્રિકેટના ભગવાન કહેવાતા સચિન તેંડુલકર યુવરાજના ડાન્સનો વીડિયો બનાવતા નજરે પડે છે. જ્યારે આ જ વીડિયોમાં મિસ્ટર આઈપીએલ સુરેશ રૈના અને ઈરફાન પઠાણ ગીત ગાતા જોવા મળી રહ્યા છે.
બીજાને પણ આપી ચેલેન્જ
આ વીડિયોમાં યુવીએ પોતાના સાથી ખેલાડીઓને પણ ચેલેન્જ આપી છે. તેઓ પોતાના સાથીઓને 'મેદાનમાં આવો...' કહીને બોલાવતા હતા. તેણે મુનાફ પટેલ, મનપ્રીત ગોની, પ્રજ્ઞાન ઓઝાને પણ ટેગ કર્યા હતા. જુઓ યુવીએ પોસ્ટ કર્યો આ ડાન્સ વીડિયો...
યુવી હાલ રોડ સેફ્ટી સિરીઝ રમી રહ્યો છે
યુવી હાલમાં સાથી ખેલાડીઓ સાથે રોડ સેફ્ટી સિરીઝ રમી રહ્યો છે. તેઓ ઇન્ડિયા લિજેન્ડ્સનો ભાગ છે. ટીમે પ્રથમ મેચમાં 61 રનથી જીત મેળવી હતી. તેણે સાઉથ આફ્રિકા લિજેન્ડ્સને હરાવ્યું છે. યુવરાજ સિંહ સીરિઝની પહેલી મેચમાં ફિક્કો રહ્યો હતો. તેણે 8 બોલમાં 75.00ની સ્ટ્રાઇક રેટથી માત્ર 6 રન બનાવ્યા હતા. ટીમની આગામી મેચ 14 સપ્ટેમ્બરે વેસ્ટ ઇન્ડીઝ લિજેન્ડ્સ સાથે કાનપુરમાં રમાશે.
સોશિયલ મીડિયામાં પણ રહે છે ચર્ચામાં
યુવરાજ માત્ર મેદાન પર જ નહીં, પરંતુ સોશિયલ મીડિયામાં પોતાના ચોગ્ગા-છગ્ગા માટે પણ જાણીતો છે. અથવા કહો કે તેઓ વારંવાર પોસ્ટ કરતા રહે છે અને ચાહકોને પણ તેમની પોસ્ટ્સ ગમે છે. ચાર દિવસ પહેલા યુવીએ ગિલને પોતાના અંદાજમાં જન્મદિવસની શુભેચ્છા પાઠવી હતી.
જેમાં તેઓ ગિલની ડ્રાઇવિંગ સ્કિલ્સની મજાક ઉડાવી રહ્યા છે. આ વિડીયોમાં ગીલને કાર રીવર્સ લેવા માટે કહેવામાં આવે છે. ત્યારે આ યુવા ખેલાડી યુટર્ન લઈને પાછો આવે છે.