પોરબંદર શહેરમાં રહેતા એક ફઈ-ભત્રીજાએ વિશ્વનો સૌથી લાંબો ચોકલેટબાર બનાવી ગિનિસ વર્લ્ડ રેકોર્ડ્સમાં સ્થાન મેળવી અનોખી સિદ્ધિ હાંસલ કરી. આ વર્લ્ડ રેકોર્ડ બનાવા માટે 110 કિલો ચોકલેટનો ઉપયોગ કરી 2308 ચોકલેટબાર બનાવી રેકોર્ડ પોતાના નામે કર્યો છે.
2000થી વધુ ચોકલેટથી બનાવ્યો ચોકલેટબાર
પોરબંદરના ફઈ-ભત્રીજા બનાવ્યો વર્લ્ડ રેકોર્ડ
3 મહિનાની મહેનત બાદ બન્યો રેકૉર્ડ
દેશ અને દુનિયામાં લોકો પોતાના શોખ, આવદત અને ઇચ્છાથી વિવિધ વર્લ્ડ રેકોર્ડ પોતાના નામે કરતા હોય છે. ત્યારે પોરબંદરમાં રહેતા કિશન હિંડોચા અને તેનાં ફોઈ મૃદુલા હિંડોચાએ ચોકલેટબારનો અનોખો રેકોર્ડ પોતાના નામે કર્યો છે. કિશન હિંડોચા, જેણે અમદાવાદથી હોટલ મેનેજમેન્ટનો અભ્યાસ કર્યો છે, તો તેમના ફોઈ મૃદુલા હિંડોચા છેલ્લાં 29 વર્ષોથી અવનવી કેક બનાવે છે. કિશન હિંડોચ પોતે સેફ છે. તમને ચોકલેટની વિવિધ આઇટમો બનાવાનો શોખ છે. જેથી તેઓ ચોકલેટ પર વિવિધ રિસર્ચઓ કરતા હોય છે. તે દરમિયાન કિશનને ચોકલેટબાર બનાવાનો રેકોર્ડ હજુ સુધી કોઈએ પોતાના નામે કર્યો ના હોવાથી કિશન અને તેના ફઇ મૃદુલા હિંડોચાએ આ રેકોર્ડ પોતાના નામે કરવાનું નક્કી કર્યું. એ માટે તેમણે ગિનિસ વર્લ્ડ રેકોર્ડ્સનો સંપર્ક કરતાં તેમણે 2 હજારથી વધુ ચોકલેટબારની લાંબી લાઈન બનાવવાથી આ રેકોર્ડ તેમના નામે થઈ શકશે એવું જણાવ્યું હતુ. ગિનીઝ વર્લ્ડ રેકોર્ડ્સ દ્વારા રાખવામાં આવેલી શરતો અને સૂચનોને અનુસરીને તેમણે 110 કિલો ચોકલેટનો ઉપયોગ કરી અંદાજે 15થી 17 દિવસ સુધી ચોકલેટ બનાવી, કુલ 2308 ચોકલેટબાર બનાવ્યા ચોકલેટબારની ગોઠવણી કરતા 288 મીટર લાંબી લાઇન કરી હતી.
3 મહિનાની મહેનત બાદ બન્યો રેકૉર્ડ
રેકોર્ડ્સ અટેમ્પ્ટ કરતી વેળાએ જરૂરી આઈ વિટનેસ, હાઇજેનિક ઓફિસર તેમજ કાઉન્ટિંગ માટે સીએની ઉપસ્થિતિમાં 2 એપ્રિલના રોજ વીડિયોગ્રાફી સાથે તેની સંપૂર્ણ પ્રક્રિયા થયા બાદ નીતિનિયમ મુજબ વીડિયોગ્રાફી સાથે ઓનલાઈન અપલોડ કરવામાં આવ્યા હતા. જેની સંપૂર્ણ ચકાસણી બાદ હાલમાં ત્રણ માસ બાદ સૌથી લાંબા ચોકલેટબારનો રેકોર્ડ તેમના નામે થયો છે. એવું સર્ટિફિકેટ ગિનિસ વર્લ્ડ રેકોર્ડ્સ દ્વારા બાય પોસ્ટ મોકલવામાં આવતાં બન્ને પાર્ટિસિપેન્ટ્સ તેમજ પરિવારમાં ભારે ખુશીનો માહોલ જોવા મળ્યો હતો.
રેકોર્ડ પોતાના નામે કરવા માટે ખૂબ જ મહેનત કરવી પડીઃ મૃદુલા હિંડોચા
દુનિયાના સૌથી મોટા ચોકલેટબારનો રેકોર્ડ મળવા બદલ મૃદુલા હિંડોચા તેમજ તેના ભત્રીજા કિશન હિંડોચાએ ખુશી વ્યક્ત કરી હતી. મૃદુલા હિંડોચાએ જણાવ્યું હતું કે આ રેકોર્ડ પોતાના નામે કરવા માટે ખૂબ જ મહેનત કરવી પડી છે. મહેનતનું ફળ મળ્યું હોય તેમ દુનિયાની સૌથી મોટા ચોકલેટ બારનો રેકોર્ડ તેમના નામે થતાં અને એની નોંધ ગિનિસ વર્લ્ડ રેકોર્ડ્સમાં થઈ છે એ વાતની ખુશી છે.
ગિનિસ વર્લ્ડ રેકોર્ડમાં નામ નોંધાતા પોરબંદરવાસીઓએ આપ્યા અભિનંદન
પોરબંદરમાં રહેતા કિશન હિંડોચા અને તેનાં ફોઈ મૃદુલા હિંડોચાએ ચોકલેટબારનો અનોખો રેકોર્ડ પોતાના નામે કરી પોરબંદર સહિત રાજ્ય અને દેશનું નામ રોશન કર્યું છે. પોરબંદરવાસીઓ માટે પણ ગર્વની વાત છે. ગિનિસ વર્લ્ડ રેકોર્ડમાં નોંધવાવ બદલ બને ફઇ-ભત્રીજા પર અભિનંદન વર્ષ થઈ રહી છે.